ଓଡ଼ିଶା ଡଟ୍ ନ୍ୟୁଜ୍4/01/2025 at 2:10 PM
ବାରିପଦା: ମୟୂରଭଞ୍ଜ ଜିଲ୍ଲା କରଞ୍ଜିଆ ବନଖଣ୍ଡ ପୋକାମୁଣ୍ଡା ଜଙ୍ଗଲରେ ଥିବା ମୋରମ ଖଣିରେ ପଡ଼ିଯାଇଛି ଏକ ହାତୀ ଛୁଆ । ପାଖରେ ଜଗି ରହିଛନ୍ତି ମାଆ ହାତୀ ଓ ତାଙ୍କ ଦଳ । ଫଳରେ ଛୁଆ ହାତୀକୁ ଉଦ୍ଧାର କରିବାରେ ଦେଖା ଦେଇଛି ସମସ୍ୟା ।
ବନବିଭାଗ ପକ୍ଷରୁ ହାତୀ ଘଉଡ଼ାଇବାକୁ ଉଦ୍ୟମ କରାଯାଉଛି । ହାତୀ ଘଉଡ଼ା ସରିବା ପରେ ରେସ୍କ୍ୟୁ ଅପରେସନ୍ କରିବ ବନ ବିଭାଗ । ଜେସିବି ଓ ବିଭିନ୍ନ ଉପକରଣ ଧରି ବନ ବିଭାଗ ପ୍ରସ୍ତୁତ ଥିଲେ ମଧ୍ୟ ମା’ ହାତୀ ପାଖରେ ଥିବାରୁ ଉଦ୍ଧାର କାର୍ଯ୍ୟ ଆରମ୍ଭ ହୋଇପାରୁନି । ଯଦି ଦରକାର ପଡେ ମା’ ହାତୀକୁ ଟ୍ରାଙ୍କୁଲାଇଜ୍ କରାଯିବ ବୋଲି ବନ ବିଭାଗ କହିଛି । ମେଡିକାଲ ଟିମ ମଧ୍ୟ ଘଟଣାସ୍ଥଳରେ ଉପସ୍ଥିତ ଅଛନ୍ତି ।