ପ୍ରଦୀପ କୁମାର ନାୟକ5/01/2025 at 12:59 PM
ଚିପିଲିମା, ସମ୍ବଲପୁର ବୁର୍ଲାଥାନା ଆମସଢ଼ା କଟାପାଲି ନିକଟରେ ଗତକାଲି ବିଳମ୍ବିତ ରାତିରେ ଏକ ହାଇୱା ଧକ୍କାରେ ଏକ କାର ଚୁରମାର ହୋଇଯାଇଥିବାବେଳେ, କାରରେ ଥିବା ଦୁଇଜଣଙ୍କର ମୃତ୍ୟୁ ଘଟିଛି ଏବଂ ଅନ୍ୟ ୩ଜଣ ଗୁରୁତର ଆହତ ହୋଇଥିବା ଜଣାପଡିଛି l ମୃତକ ଦୁଇଜଣ ହେଲେ କରଡୋଳା ନିବାସୀ ତଥା ଗୋଶାଳା ମଣ୍ଡଳ ବିଜେପି ସଭାପତି ଦେବେନ୍ଦ୍ର ନାୟକ ଓରଫ ବାବୁଲୁ (୫୦) ଓ କରଡୋଳା ପୂର୍ବତନ ସରପଞ୍ଚ ତଥା ଚାରପାଲି ନିବାସୀ ମୁରଲୀଧର ଛୁରିଆ (୬୦)l ଆହତ ମଧ୍ୟରେ ବସନ୍ତପୁର ବିଜେପି ବରିଷ୍ଠ କର୍ମୀ ସୁରେଶ ଛନ୍ଦ, ସତୀଜୋର ନିବାସୀ ରାମନାରାୟଣ ପଣ୍ଡା ଓରଫ କୁନା l ମିଳିଥିବା ସୂଚନା ଅନୁଯାୟୀ ଦୁର୍ଘଟଣା ଗ୍ରସ୍ତ ଚାରିଜଣ କୌଣସି କାମରେ ଭୁବନେଶ୍ୱର ଯାଇଥିବାବେଳେ, ଗତକାଲି ରାତିରେ ଟ୍ରେନରେ ଫେରି ଏକ କାରରେ ଫେରୁଥିବାବେଳେ, କଟାପାଲି ଠାରେ ପଛପଟୁ ଆସୁଥିବା ଏକ ହାଇୱା ଗୋଡେଇ ଗୋଡେଇ ଧକ୍କା ମାରିଥିଲା l ଏହାକୁ ନେଇ ଏହା ଏକ ସୁଚିନ୍ତିତ ଯୋଜନବଦ୍ଧ ଭାବେ ହତ୍ୟା କରାଯାଇଥିବା ନେଇ ସବୁଠି ଚର୍ଚ୍ଚା ହେଉଥିବା ଦେଖିବାକୁ ମିଳୁଛି l ଏପରି ଏକ ଘଟଣାଟି ପ୍ରଚାରିତ ହେବାପରେ ଅଞ୍ଚଳରେ ଶୋକର ଛାୟା ଖେଳିଯାଇଛି l