ଓଡ଼ିଶା ଡଟ୍ ନ୍ୟୁଜ୍9/01/2025 at 11:09 AM
ଗଞ୍ଜାମ: ଅଳିଆ ପାକକୁ ନେଇ ଗୋଷ୍ଠୀ ସଂଘର୍ଷ । ବୁଲିଲା ଠେଙ୍ଗା, ପଡ଼ିଲା ପଥର । ଘଟଣାରେ ୩ ଜଣ ଗୁରୁତର ଆହତ ହୋଇ ମେଡ଼ିକାଲରେ ଭର୍ତ୍ତି ହୋଇଛନ୍ତି । ଘଟଣା ଗଞ୍ଜାମ ଜିଲ୍ଲା ଖଲ୍ଲିକୋଟ ଥାନା ପଥରା ଗାଁର କଣ୍ଡରା ସାହି ଏବଂ ଓଡ଼ିଆ ଆଲପୁର ଗାଁ aଧ୍ୟରେ ଗତ ରାତିରେ ଘଟିଛି । ସଂଘର୍ଷରେ ଓଡ଼ିଆ ଆଲପୁର ଗାଁର ୩ ଜଣ ଗୁରୁତର ହୋଇଛନ୍ତି । ସେମାନଙ୍କୁ ଖଲ୍ଲିକୋଟ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରାଯାଇଛି। ଗୋଟିଏ ବାଇକ ସହ କିଛି ଘରର ଆଜବେଷ୍ଟସ୍ ଭାଙ୍ଗିଥିବା ଅଭିଯୋଗ ହୋଇଛି ।
ଅଭିଯୋଗ ଅନୁସାରେ, ଗତ ରାତିରେ ପଥରା କଣ୍ଡରା ସାହିର କିଛି ବ୍ୟକ୍ତି ଟ୍ରାକ୍ଟରରେ ଅଳିଆ ଆବର୍ଜନା ଆଣି ଓଡ଼ିଆ ଆଲପୁର ଗାଁରେ ପକାଇଥିଲେ । ଯାହାକୁ ଗାଁ ଲୋକେ ବିରୋଧ କରିଥିଲେ । ଏହାକୁ କେନ୍ଦ୍ର ଦୁଇ ଗାଁ ଲୋକଙ୍କ ମଧ୍ୟରେ ସଂଘର୍ଷ ଘଟିବା ସହ ପଥର ମାଡ଼ ହୋଇଥିଲା । ଖବର ପାଇ ଭେଜିପୁଟ ଫାଣ୍ଡି ପୋଲିସ ଘଟଣା ସ୍ଥଳରେ ପହଞ୍ଚି ଉତ୍ତ୍ୟକ୍ତ ଲୋକଙ୍କୁ ବୁଝାଶୁଝା କରିବା ସହ ସ୍ଥିତିକୁ ନିୟନ୍ତ୍ରଣକୁ ଆଣିଛି । ପୁଣି ଅପ୍ରିତିକର ପରିସ୍ଥିତି ସୃଷ୍ଟି ହେବା ଆଶଙ୍କାରେ ଉଭୟ ଗାଁରେ ପୋଲିସ ମୁତୟନ ହୋଇଛନ୍ତି ।