ଓଡ଼ିଶା ଡଟ୍ ନ୍ୟୁଜ୍11/01/2025 at 11:58 AM
କଟକ: କଟକରେ ଫୁଟିଲା ବୋମା । ଟାର୍ଗେଟରେ ଜଣେ ବାଉଁଶ ବ୍ୟବସାୟୀ । ଗତ ରାତିରେ ତାଙ୍କ ଘର ଉପରେ ହୋଇଛି ବୋମାମାଡ଼ । ଏମିତି ଘଟଣା କଟକ ସଦର ଥାନା ସୁଭଦ୍ରାପୁରରେ ଘଟିଛି । ଏଥିରେ କାହାର କୌଣସି କ୍ଷୟକ୍ଷତି ହୋଇ ନଥିବା ସୂଚନା ମିଳିଛି । ବୋମାମାଡର କାରଣ ଅସ୍ପଷ୍ଟ ରହିଛି । ବୋମା ଫିଙ୍ଗିବା ପରେ ଦୁର୍ବୃତ୍ତମାନେ ଫେରାର ହୋଇଯାଇଛନ୍ତି ।
ଖବର ପାଇ ପୋଲିସ୍ ଘଟଣା ସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି । ବ୍ୟବସାୟିକ ଶତ୍ରୁତାରୁ ଏହି ବୋମା ମାଡ଼ ହୋଇଥିବା ପୋଲିସ୍ ସୂଚନା ଦେଇଛି । ତେବେ ଏହା ପଛରେ କିଏ ଅଛି ତାହା ସ୍ପଷ୍ଟ ହୋଇନି । ଉକ୍ତ ବ୍ୟକ୍ତି ଜଣକ ଦୀର୍ଘ ଦିନ ଧରି ସ୍ଥାନୀୟ ଅଞ୍ଚଳରେ ବାଉଁଶ ବ୍ୟବସାୟ କରୁଥିଲେ । ତେଣୁ ଆଖପାଖ ଅଞ୍ଚଳର ବ୍ୟବସାୟୀଙ୍କ ସହ ଶତ୍ରୁତା ଥିବା ଅନୁମାନ କରାଯାଉଛି । ପୋଲିସ୍ ସ୍ଥାନୀୟ ଲୋକଙ୍କୁ ପଚରାଉଚରା କରୁଥିବା ବେଳେ ସିସିଟିଭି ଯାଞ୍ଚ କରୁଛି । ଶୀଘ୍ର ଅଭିଯୁକ୍ତ ଧରା ପଡ଼ିବେ ବୋଲି ପୋଲିସ କହିଛି ।