ପ୍ରଦୀପ କୁମାର ନାୟକ

12/01/2025 at 9:56 PM

ଚିପିଲିମା,ସମ୍ବଲପୁର ବୁର୍ଲାଥାନା ଆମଶଢା କଟାପାଲି ଠାରେ ହାଇୱା ଧକ୍କାରେ ଗୋଶାଳା ମଣ୍ଡଳ ବିଜେପି ସଭାପତି ଦେବେନ୍ଦ୍ର ନାୟକ ଓ ମଣ୍ଡଳ ଉପସଭାପତି ତଥା କରଡୋଳା ପୂର୍ବତନ ସରପଞ୍ଚ ମୁରଲୀଧର ଛୁରିଆଙ୍କ ବିୟୋଗ ଘଟିଯାଇଥିବାବେଳେ, ଅଞ୍ଚଳରେ ଶୋକର ଛାୟା ଖେଳିଯାଇଥିଲା l ଏହି କିଛିଦିନ ପୂର୍ବରୁ ବୈଜାମୁଣ୍ଡା ଖଗସିପାଲି ନିବାସୀ ତଥା ବିଜେଡିର ପୁରୁଖାନେତା କୁମାରଚାନ୍ଦ ରାଉତଙ୍କ ହୃଦଘାତରେ ବିୟୋଗ ଘଟିଥିଲା l ଠିକ ସେହିପରି ସମାଜସେବୀ ଅଜୟ ମହାନ୍ତିଙ୍କ ସହଧର୍ମିଣୀଙ୍କ ହୃଦଘାତ ଯୋଗୁଁ ବିୟୋଗ ଘଟିଥିଲା l ଉପୋରକ୍ତ ମହାନ ବ୍ୟକ୍ତି ବିଶେଷଙ୍କ ଅମର ଆତ୍ମାର ସଦଗତି କାମନା ଉଦ୍ଧେଶ୍ୟ ନେଇ ବରିଷ୍ଠ ପରିବେଷବିତ ତଥା ସମାଜସେବୀ ରାଧାକାନ୍ତ ଦାଶଙ୍କ ସଭାପତିତ୍ୱରେ ଚିପିଲିମା ଦୁର୍ଗମଣ୍ଡପରେ ଏକ ଶ୍ରଦ୍ଧାଞ୍ଜଳୀ ସଭାର ଆୟୋଜନ ହୋଇଥିଲା l ପ୍ରଥମେ ଦିବଙ୍ଗତ ବ୍ୟକ୍ତିମାନଙ୍କ ଅମର ଆତ୍ମାର ସଦଗତି କାମନା କରି ୨ମିନିଟ ନିରବ ପ୍ରାର୍ଥନା କରାଯାଇଥିଲା l ପରେ ବିଜେପି ନେତା ଦେବେନ୍ଦ୍ର ଓ ମୁରଲୀଙ୍କ ସ୍ମୃତିଚାରଣ କରାଯାଇ ଶ୍ରଦ୍ଧାଞ୍ଜଳୀ ଅର୍ପଣ କରାଯାଇଥିଲା l ଶେଷରେ ସୁଧୀର ପୂଜାରୀ ଧନ୍ୟବାଦ ଅର୍ପଣ କରିଥିଲେ l