ଓଡ଼ିଶା ଡଟ୍ ନ୍ୟୁଜ୍

15/01/2025 at 11:38 AM

ଭୁବନେଶ୍ବର: ଭୁବନେଶ୍ବରରେ ପହଞ୍ଚିବା ପରେ ପୂର୍ବତନ ମୁଖ୍ୟମନ୍ତ୍ରୀ ତଥା ବିରୋଧୀ ଦଳ ନେତା ନବୀନ ପଟ୍ଟନାୟକଙ୍କୁ ଭେଟିଲେ ଅର୍ଜୁନ ପୁରସ୍କାର ପ୍ରାପ୍ତ ଆଥଲେଟ ହେମା ଦାସ । ନବୀନ ନିବାସରେ ପହଞ୍ଚି ନବୀନଙ୍କୁ ସାକ୍ଷାତ କରିଛନ୍ତି ହେମା । ସକ୍ଷାତକାର ସମୟରେ ବିଭିନ୍ନ ବିଷୟକୁ ନେଇ ଉଭୟଙ୍କ ମଧ୍ୟରେ ଆଲୋଚନା ହୋଇଥିଲା ।

ନବୀନ ପଟ୍ଟନାୟକଙ୍କ ଶାସନ ସମୟରେ ବିଶ୍ବସ୍ତରୀୟ କ୍ରୀଡା ପାଇଁ ପ୍ରତିଷ୍ଠା କରାଯାଇଥିବା ଭିତ୍ତିଭୂମିକୁ ପ୍ରଶଂସା କରିଥିଲେ ହେମା । ଏହାଦ୍ବାରା ଅନେକ କ୍ରୀଡାବିତଙ୍କ ଭବିଷ୍ୟତ ଉଜ୍ବଳ ହୋଇପାରିଛି । କ୍ରୀଡ଼ାକ୍ଷେତ୍ରରେ ଉଚ୍ଚକୋଟିର ପ୍ରଦର୍ଶନକୁ ନବୀନ ପ୍ରଶଂସା କରିବା ସହ ହେମାଙ୍କୁ ଅଭିନନ୍ଦନ ଜଣାଇଥିଲେ । ଏହାସହ ଉଜ୍ବଳ ଭବିଷ୍ୟତ କାମନା କରିଥିଲେ ନବୀନ ।