ଓଡ଼ିଶା ଡଟ୍ ନ୍ୟୁଜ୍21/01/2025 at 12:51 PM
ଆସିକା: ଗଞ୍ଜାମ ଜିଲ୍ଲା ଆସିକା ଥାନା ଅନ୍ତର୍ଗତ ସୁନାମ୍ବ ସାହିର ଏକ ଘରେ ପଶିଗଲା ବାଲି ବୋଝେଇ ହାଇଓ୍ବା । ଘଟଣାରେ କେହି ମୃତାହତ ହୋଇନାହାନ୍ତି । ତେବେ ଦୁର୍ଘଟଣା ପରେ ସାହି ଲୋକଙ୍କ ମଧ୍ୟରେ ଉତ୍ତେଜନା ପ୍ରକାଶ ପାଇଥିଲା । ଲୋକେ ଗାଡିକୁ ଅଟକ ରଖି ପୋଲିସକୁ ଖବର ଦେଇଥିଲେ ।
ଖବର ପାଇବା ପରେ ଏସଡିପିଓ ଘଟଣା ସ୍ଥଳରେ ପହଞ୍ଚି ହାଇଓ୍ବାକୁ ଥାନାକୁ ଆଣିବା ସହ ଘଟଣାର ତଦନ୍ତ କରୁଛନ୍ତି । ଅନ୍ୟପଟେ ଆସିକା ଋଷୁକୁଲ୍ୟା ନଦୀରୁ ଏପରି ଅନେକ ଘାଟରୁ ରାତି ଅଧିଆ ବାଲି ଚୋରା ଚାଲାଣ ନେଇ ବାରମ୍ବାର ଖବର ପ୍ରସାରଣ ପରେ ମଧ୍ୟ ଲଘୁ ଖଣିଜ ବିଭାଗ କି ସ୍ଥାନୀୟ ପ୍ରଶାସନ କୌଣସି ପଦକ୍ଷେପ ନେଉନଥିବା ଅଭିଯୋଗ କରିଛନ୍ତି ଗ୍ରାମବାସୀ ।