ଓଡ଼ିଶା ଡଟ୍ ନ୍ୟୁଜ୍

24/01/2025 at 1:52 PM

ଜଳେଶ୍ବର: ଘନ କୁହୁଡ଼ି କରୁଛି କଲବଲ । ରାସ୍ତା ବି ଦିଶୁନି । ଫଳରେ କୁହୁଡ଼ି କାରଣରୁ ଦୁର୍ଘଟଣା ଘଟି ଧନଜୀବନ ହାନୀ ଘଟୁଛି । ବାଲେଶ୍ବର ଜିଲ୍ଲା ଜଳେଶ୍ବରରେ କୁହୁଡ଼ି କାରଣରୁ ଦୁର୍ଘଟଣା ଘଟିଚି । ଏକ ବଟା ବୋଝେଇ ଟ୍ରକ କୁହୁଡ଼ି କାରଣରୁ ଭାରସାମ୍ୟ ହରାଇ ରାସ୍ତାକଡକୁ ଓଲଟି ପଡ଼ିଛି । ତେବେ ଦୁର୍ଘଟଣାରେ ଅଳ୍ପକେ ବର୍ତିଲେ ଡ୍ରାଇଭର ଓ ହେଲ୍ପର ।

ଟ୍ରକଟି ପଶ୍ଚିମବଙ୍ଗର ହୋଇଥିବା ବେଳେ ଜଳେଶ୍ୱରରୁ ଭୋଗରାଇ ଅଭିମୁଖେ ଯାଉଥିଲା । ୫୭ ନମ୍ବର ରାଜ୍ୟ ରାଜପଥ କମର୍ଦା ଏସବିଆଇ ଏଟିଏମ୍ ନିକଟରେ ଏଭଳି ଦୁର୍ଘଟଣା ଘଟିଛି । ଟ୍ରକ୍ ଡ୍ରାଇଭର ହେଲପର ସୁସ୍ଥ ଥିବା ସୁଚନା ମିଳିଛି ।

ଘନ କୁହୁଡି କିମ୍ବା ଡ୍ରାଇଭରଙ୍କ ଆଖି ଲାଗି ଯାଇଥିବାରୁ ଦୁର୍ଘଟଣା ଘଟିଥିବା ଅନୁମାନ କରାଯାଉଛି । ସ୍ଥାନୀୟ ଲୋକେ ପହଞ୍ଚି ଗାଡି ଭିତରୁ ଡ୍ରାଇଭର ଓ ହେଲ୍ପରକୁ ବାହାର କରିଥିଲେ ।