ସୌମିତ୍ରି ମେହେର24/01/2025 at 8:35 PM
ଉଲୁଣ୍ଡା : (ସୌମିତ୍ରି ମେହେର) ସୁବର୍ଣ୍ଣପୁର ଜିଲ୍ଲା ଉଲୁଣ୍ଡା ବ୍ଲକ ଅନ୍ତର୍ଗତ ଶ୍ରୀ ଜଗନ୍ନାଥ ଏକାଡେମୀ ହାଇସ୍କୁଲ କୋଟସମଳାଇ ଠାରେ ଜାତୀୟ ଶିଶୁ ବାଳିକା ଦିବସ ପାଳିତ ହୋଇଯାଇଛି । ଆୟୋଜିତ ସଭାରେ ଶୋଭାଶିନୀ ମିଶ୍ର ସଭାପତିତ୍ୱ କରିଥିବା ବେଳେ ନିମନ୍ତ୍ରିତ ଅତିଥି ଭାବେ ମୋ ସ୍କୁଲ ଅଭିଯାନ ସଭାପତି ନଳିନିକାନ୍ତ ବାଘ ଯୋଗ ଦେଇ ବାଳିକା ଶିକ୍ଷିତ ହେଲେ ଦେଶ ଆଗେଇବ ବୋଲି ମତ ଦେଇଥିଲେ । ପ୍ରଫୁଲ୍ଲ ସାହୁ ମଞ୍ଚ ପରିଚାଳନା କରିଥିଲେ। ଏହି ଉପଲକ୍ଷେ ବିଦ୍ୟାଳୟ ର ଛାତ୍ରୀ ମାନଙ୍କୁ ନେଇ ଶିଶୁ ବାଳିକା ଉପରେ ଏକ ମାନବ ଶୃଙ୍ଖଳ କରାଯାଇଥିଲା । କାର୍ଯ୍ୟକ୍ରମ କୁ ସୁଧୀର କୁମାର ହୋତା , ଅମିତ ପାତ୍ର , ଶଙ୍ଖସିନ୍ଧୁ ପୁରୋହିତ , ହୃଷିକେଶ ପଧାନ ପ୍ରମୁଖ ପରିଚାଳନା କରିଥିଲେ । ଶିକ୍ଷକ ଅନିରୁଦ୍ଧ ପାଢ଼ୀ ଧନ୍ୟବାଦ ଅର୍ପଣ କରିଥିଲେ।