ଓଡ଼ିଶା ଡଟ୍ ନ୍ୟୁଜ୍

29/01/2025 at 1:15 PM

ଭୁବନେଶ୍ବର: ପୁଣି ପାଞ୍ଜିର ତଥ୍ୟକୁ ନେଇ ଦ୍ବନ୍ଦ୍ବ । ଏଥର ସରସ୍ବତୀ ପୂଜା ପାଳନକୁ ନେଇ ଦ୍ବନ୍ଦ୍ବ ଦେଖା ଦେଇଛି । କାରଣ ଭିନ୍ନ ଭିନ୍ନ ପଞ୍ଜିକାରେ ରହିଛି ଭିନ୍ନ ଭିନ୍ନ ତାରିଖ । ୨ ତାରିଖରେ ନା ୩ ତାରିଖରେ ମାଆ ସ୍ବରସ୍ବତୀଙ୍କ ପୂଜା କରାଯିବା ତାକୁ ନେଇ ଏବେ ଦ୍ବନ୍ଦ୍ବରେ ପଡ଼ିଛି ଲୋକେ ।

କେଉଁ ପଞ୍ଜିକାରେ ୨ ତାରିଖରେ ଶ୍ରୀପଞ୍ଚମୀ ଉଲ୍ଲେଖ ରହିଛି ତ ଆଉ କେଉଁଥିରେ ୩ ତାରିଖ ସକାଳ ୯ଟା ୨୪ ପର୍ଯ୍ୟନ୍ତ ରହିଛି ଶ୍ରୀପଞ୍ଚମୀ । ସରସ୍ବତୀ ପୂଜା ବା ବସନ୍ତ ପଞ୍ଚମୀ ଫେବ୍ରୁଆରୀ ୨ ତାରିଖ ଚତୁର୍ଥୀରେ ହେବ ନା ୩ ତାରିଖ ପଞ୍ଚମୀରେ ହେବ ଏହାକୁ ନେଇ ଦ୍ବନ୍ଦ୍ବ ସୃଷ୍ଟି ହୋଇଛି । ପୂର୍ବରୁ ମଧ୍ୟ ପର୍ବ ପାଳନକୁ ନେଇ ଏଭଳି ଦ୍ବନ୍ଦ୍ବ ଦେଖିବାକୁ ମିଳିଛି ।

ରାଜ୍ୟରେ ଏକାଧିକ ପଞ୍ଜିକା ପ୍ରଚଳିତ ହେଉଥିବା ବେଳେ ସେମାନେ ପର୍ବପର୍ବାଣିକୁ ନେଇ ଭିନ୍ନ ଭିନ୍ନ ତଥ୍ୟ ରଖୁଛନ୍ତି । ଯାହାଦ୍ବାରା ଲୋକେ ସମସ୍ୟାରେ ପଡୁଛନ୍ତି । ଏପରିକି ବାରମ୍ବାର ଏମିତି ହେବାକୁ ନେଇ ଅସନ୍ତୋଷ ମଧ୍ୟ ବଢ଼ିବାରେ ଲାଗିଛି । ଏହାସହ ପଞ୍ଜିକାର ବିଶ୍ବାସନୀୟତା ଉପରେ ମଧ୍ୟ ପ୍ରଶ୍ନ ଉଠିବାରେ ଲାଗିଛି ।