ମୋହନଲାଲଙ୍କ ବହୁ ପ୍ରତୀକ୍ଷିତ ଫିଲ୍ମ ‘ଏମ୍ପୁରାନ’ ରିଲିଜ

ବେଙ୍ଗାଲୁରୁ: ସୁପରଷ୍ଟାର ମୋହନଲାଲଙ୍କ ବହୁ ପ୍ରତୀକ୍ଷିତ ଫିଲ୍ମ ଏମ୍ପୁରାନ’ ଆଜି ରିଲିଜ ହୋଇଛି। ‘ଏମ୍ପୁରାନ’ ଏହାର ପ୍ରି-ସେଲ୍ସ ସହିତ ରେକର୍ଡ ଭାଙ୍ଗିଥିଲା ବେଳେ ଇଦ୍ ପର୍ବ ବେଳେ ଏହାର ପ୍ରଥମ ସପ୍ତାହରେ ସର୍ବାଧିକ ଆୟକାରୀ ମାଲାୟଲମ ଚଳଚ୍ଚିତ୍ର ହେବାକୁ ଯାଉଛି।

୨୦୧୯ରେ ରିଲିଜ୍ ହୋଇଥିବା ‘ଲୁସିଫର’ର ସିକ୍ୱେଲ୍, L2: ଏମ୍ପୁରାନ୍। ଗୁରୁବାର ଅର୍ଥାତ୍ ମାର୍ଚ୍ଚ ୨୭ରେ ମାଲାୟଲମ, କନ୍ନଡ, ତାମିଲ, ତେଲୁଗୁ ଏବଂ ହିନ୍ଦୀ ଭାଷାରେ ମୁକ୍ତିଲାଭ କରିଛି। ଏହା IMAX ରେ ମୁକ୍ତିଲାଭ କରୁଥିବା ପ୍ରଥମ ମାଲାୟଲମ ଚଳଚ୍ଚିତ୍ର ଅଟେ।

ମୋହନଲାଲ ଅଭିନୀତ ଏହି ଫିଲ୍ମଟି ଏହାର ପ୍ରି-ସେଲ୍ସ ଯୋଗୁଁ ସବୁଠାରୁ ବଡ଼ ମାଲାୟଲମ ଓପନର ହୋଇପାରିଛି। ମୁକ୍ତିଲାଭର ଦୁଇ ଦିନ ପୂର୍ବରୁ ବିଶ୍ୱବ୍ୟାପୀ ବକ୍ସ ଅଫିସ୍ ଆୟ ସମ୍ପୂର୍ଣ୍ଣ ଓପନିଂ ସପ୍ତାହାନ୍ତରେ ୫୦ କୋଟି ଅତିକ୍ରମ କରିଥିଲା।L2: ଏମ୍ପୁରାନର ଚିତ୍ରନାଟ୍ୟ ମୁରଲୀ ଗୋପୀ ଲେଖିଛନ୍ତି। ଯିଏକି ଏହି ଫିଲ୍ମରେ ମଞ୍ଜୁ ୱାରିଅର, ଟୋଭିନୋ ଥମାସ, ଇନ୍ଦ୍ରଜିତ ସୁକୁମାରନ, ସାନିଆ ଇୟାପ୍ପାନ ଏବଂ ଅର୍ଜୁନ ଦାସଙ୍କ ସହିତ ଅଭିନୟ କରିଛନ୍ତି। ଏହି ଫିଲ୍ମରେ ‘ଗେମ୍ ଅଫ୍ ଥ୍ରୋନ୍ସ’ର ଅଭିନେତା ଜେରୋମ୍ ଫ୍ଲିନ୍ ମଧ୍ୟ ଅଭିନୟ କରିଛନ୍ତି।