ଓଡ଼ିଶା ଡଟ୍ ନ୍ୟୁଜ୍ ବ୍ୟୁରୋ28/03/2025 at 9:24 AM
ହାଇଦ୍ରାବାଦର: ତେଲୁଗୁ ସୁପରଷ୍ଟାର ପ୍ରଭାସଙ୍କ ବିବାହକୁ ନେଇ ଅନେକ ଖବର ଆସିଛି। ଆଉ ଏବେ ପ୍ରଭାସ ହାଇଦ୍ରାବାଦର ଜଣେ ଲୋକପ୍ରିୟ ବ୍ୟବସାୟୀଙ୍କ ଝିଅଙ୍କୁ ବିବାହ କରିବାକୁ ଯାଉଛନ୍ତି ବୋଲି ଚର୍ଚ୍ଚା ହେଉଛି। ଏହାମଧ୍ୟରେ ପ୍ରଭାସଙ୍କ ଟିମ୍ ଏହି ଖବର ଉପରେ ନିଜର ପ୍ରତିକ୍ରିୟା ଦେଇଛନ୍ତି।
ପ୍ରଭାସଙ୍କ ଟିମ୍ ଇଣ୍ଡିଆ ଏକ ସାକ୍ଷାତକାରରେ କହିଛନ୍ତି ଯେ ଏଗୁଡ଼ିକ ସବୁ ମିଥ୍ୟା ଖବର ଏବଂ ସମସ୍ତଙ୍କୁ ଅନୁରୋଧ କରାଯାଉଛି ଯେ ଅଭିନେତାଙ୍କ ବ୍ୟକ୍ତିଗତ ଜୀବନ ବିଷୟରେ ଗୁଜବ ସୃଷ୍ଟି ନ କରନ୍ତୁ।
ସେହିପରି ପୂର୍ବରୁ ଏକ ସାକ୍ଷାତକାରରେ ପ୍ରଭାସଙ୍କୁ ବିବାହ ଗୁଜବ ପ୍ରଭାବିତ କରେ କି ନାହିଁ ବୋଲି ପଚରା ଯାଇଥିଲା। ଯାହାର ଜବାବରେ ଅଭିନେତା କହିଥିଲେ, ଯେତେବେଳେ ଲୋକମାନେ ମୋତେ ବିବାହ ବିଷୟରେ ପଚାରନ୍ତି, ସେତେବେଳେ ଏହା ମୋତେ କଷ୍ଟ ଦିଏ ନାହିଁ। ମୁଁ ଜାଣେ ଲୋକମାନେ ମୋ ପାଇଁ ଚିନ୍ତିତ। ଏହା ଏକ ସ୍ୱାଭାବିକ ପ୍ରଶ୍ନ। ଯଦି ମୁଁ ତାଙ୍କ ସ୍ଥାନରେ ଥାଆନ୍ତି, ତେବେ ମୁଁ ମଧ୍ୟ ଏଭଳି ପ୍ରଶ୍ନ କରିଥାନ୍ତି। ପୂର୍ବରୁ ଚର୍ଚ୍ଚା ହେଉଥିଲା ଯେ ପ୍ରଭାସ ବାହୁବଳୀ ଫିଲ୍ମର ସହ-ଅଭିନେତା ଅନୁଷ୍କା ସେଟ୍ଟୀଙ୍କୁ ବିବାହ କରିବାକୁ ଯାଉଛନ୍ତି। ଯଦିଓ ଉଭୟ ଅଭିନେତା ଏହି ଖବରକୁ ମିଥ୍ୟା ବୋଲି କହିଥିଲେ।
ଏବେ ପ୍ରଭାସ ଫିଲ୍ମ “ଦି ରାଜା ସାହେବ”ରେ ନଜର ଆସିବେ। ଏହି ଫିଲ୍ମଟି ୧୦ ଏପ୍ରିଲରେ ମୁକ୍ତିଲାଭ କରିବାର ଥିଲା, କିନ୍ତୁ ପରେ କୌଣସି କାରଣବଶତଃ ଏହାର ରିଲିଜ ଡେଟକୁ ସ୍ଥଗିତ ରଖାଯାଇଥିଲା। ଏହା ବ୍ୟତୀତ ସେ ସନ୍ଦୀପ ରେଡ୍ଡୀ ଭାଙ୍ଗାଙ୍କ ଫିଲ୍ମ “ସ୍ପିରିଟ୍”ରେ ମଧ୍ୟ କାମ କରିବେ ବୋଲି ଜଣାପଡିଛି।