ଓଡ଼ିଶା ଡଟ୍ ନ୍ୟୁଜ୍ ବ୍ୟୁରୋ31/03/2025 at 8:29 AM
ଭୁବନେଶ୍ୱର: ବେଙ୍ଗାଲୁରୁ କାମାକ୍ଷା ଏକ୍ସପ୍ରେସ ଲାଇନଚ୍ୟୁତ ହେବାରୁ ଟ୍ରାକରୁ ଖସିପଡିଥିଲା ଏଗାର ବଗି । ଦୁର୍ଘଟଣାରେ ଜଣେ ମୃତ୍ଯୁ ବରଣ କରିଥିବା ବେଳେ ୭ ଜଣ ଆହତ ହୋଇଥିବା ସୂଚନା ରହିଛି ।ମୃତକ ଜଣକ ପଶ୍ଚିମବଙ୍ଗର ଶୁଭଙ୍କର ରୟ ବୋଲି ସୂଚନା ମିଳିଛି ।
ଆଉ ଏବେ ଚୌଦ୍ବାର ନିର୍ଗୁଣ୍ଡିରେ ରେଲୱେ ଟ୍ରକ୍ ମରାମତି ସରିଥିବା ନେଇ ସୂଚନା ମିଳିଛି। ଖୁବ୍ଶୀଘ୍ର ଟ୍ରେନ୍ ଚଳାଚଳ ନେଇ ରେଲୱେ ବିଭାଗ ପକ୍ଷରୁ ସୂଚନା ମିଳିଛି। ଜଣେ ମୃତକଙ୍କ ନିକଟ ସମ୍ପର୍କୀୟଙ୍କ ପାଇଁ ୫ ଲକ୍ଷର ସହାୟତା ରାଶି ଘୋଷଣା କରାଯାଇଛି । ସେହିପରି ଜଣେ ଗୁରୁତର ଆହତଙ୍କୁ ଅଢ଼େଇ ଲକ୍ଷ, ୨ ଆହତଙ୍କୁ ୫୦ ହଜାର ପ୍ରଦାନ କରାଯିବ ।
ତେବେ ଗତକାଲି ପୂର୍ବାହ୍ନ ୧୧ଟା ୫୪ ମିନିଟ୍ରେ ନିର୍ଗୁଣ୍ଡିରେ ବେଙ୍ଗାଲୁରୁ- କାମାକ୍ଷା ଏକ୍ସପ୍ରେସର ୧୧ଟି ବଗି ଲାଇନ୍ ଚ୍ୟୁତ ହୋଇଥିଲା। ଧଉଳି, ନୀଳାଚଳ, ପୁରୁଲିଆ ସୁପରଫାଷ୍ଟର ଗତିପଥ ବଦଳିଛି। ଡାଉନ ଲାଇନରେ ୫ଟି ଟେନ୍ର ଗତିପଥ ବଦଳାଯାଇଛି। ଅପଳାଇନରେ ସବୁ ଟ୍ରେନ୍ ଠିକ୍ ଭାବେ ଚାଲିଛି । ସୁପରଫାଷ୍ଟ ଏକ୍ସପ୍ରେସ ଲାଇନଚ୍ୟୁତ ହେବାର କାରଣ ଖୋଜିବା ପାଇଁ ରେଳ ବିଭାଗର ଏକ କମିଟି ଗଠିତ ହୋଇଛି ।