ନୋବେଲ ଶାନ୍ତି ପୁରସ୍କାର ପାଇଁ ଇମ୍ରାନ ଖାନ ମନୋନୀତ

ଓଡ଼ିଶା ଡଟ୍ ନ୍ୟୁଜ୍ ବ୍ୟୁରୋ

କରାଚି: ପାକିସ୍ତାନର ପୂର୍ବତନ ପ୍ରଧାନମନ୍ତ୍ରୀ ତଥା ବର୍ତ୍ତମାନ ଜେଲରେ ଥିବା ଇମ୍ରାନ ଖାନଙ୍କୁ ନୋବେଲ ଶାନ୍ତି ପୁରସ୍କାର ପାଇଁ ମନୋନୀତ କରାଯାଇଛି। ମାନବାଧିକାର ଏବଂ ଗଣତନ୍ତ୍ର ପାଇଁ ତାଙ୍କ ଶାନ୍ତି ପ୍ରୟାସ ପାଇଁ ଇମ୍ରାନ ଖାନଙ୍କୁ ନୋବେଲ ଶାନ୍ତି ପୁରସ୍କାର ପାଇଁ ମନୋନୀତ କରାଯାଇଛି। ଏହି ସୂଚନା ପାକିସ୍ତାନ ୱାର୍ଲ୍ଡ ଆଲାଏନ୍ସ ଏବଂ ନରୱେଜିଆନ୍ ରାଜନୈତିକ ଦଳ ସେଣ୍ଟ୍ରମ ଦେଇଛନ୍ତି।

‘X’ରେ ସୂଚନା ଦେଇ ପାର୍ଟି ସେଣ୍ଟ୍ରମ କହିଛି, “ଆମେ ପାର୍ଟି ସେଣ୍ଟ୍ରମ ପକ୍ଷରୁ ଘୋଷଣା କରି ଖୁସି ଯେ ପାକିସ୍ତାନର ପୂର୍ବତନ ପ୍ରଧାନମନ୍ତ୍ରୀ ଇମ୍ରାନ ଖାନଙ୍କୁ ପାକିସ୍ତାନରେ ମାନବାଧିକାର ଏବଂ ଗଣତନ୍ତ୍ର ସହିତ ତାଙ୍କର କାର୍ଯ୍ୟ ପାଇଁ ନୋବେଲ ଶାନ୍ତି ପୁରସ୍କାର ପାଇଁ ମନୋନୀତ କରାଯାଇଛି।”

ତେବେ ଦ୍ୱିତୀୟ ଥର ପାଇଁ ସେ ମନୋନୀତ ହୋଇଛନ୍ତି। ୨୦୧୯ ପୂର୍ବରୁ, ଦକ୍ଷିଣ ଏସିଆରେ ଶାନ୍ତି ପ୍ରୋତ୍ସାହନ ପାଇଁ ତାଙ୍କ ପ୍ରୟାସ ପାଇଁ ତାଙ୍କୁ ମନୋନୀତ କରାଯାଇଥିଲା। ପାକିସ୍ତାନ ତେହେରିକ୍-ଏ-ଇନସାଫ୍ ଦଳର ପ୍ରତିଷ୍ଠାତା ଇମ୍ରାନ ଖାନ ଅଗଷ୍ଟ ୨୦୨୩ରୁ ଜେଲରେ ଅଛନ୍ତି। କ୍ଷମତାର ଅପବ୍ୟବହାର ଏବଂ ଦୁର୍ନୀତି ଅଭିଯୋଗରେ ତାଙ୍କୁ ୧୪ବର୍ଷ ଜେଲଦଣ୍ଡ ଦିଆଯାଇଥିଲା। ଏପ୍ରିଲ ୨୦୨୨ ରେ ଅନାସ୍ଥା ଭୋଟ ପରେ ତାଙ୍କୁ କ୍ଷମତାରୁ ହଟାଇ ଦିଆଯାଇଥିଲା।