ଆଜି ଲୋକସଭାରେ ଉପସ୍ଥାପିତ ହେବ ୱାକଫ୍ ବିଲ୍
ନୂଆଦିଲ୍ଲୀ: ଆଜି ଲୋକସଭାରେ ୱାକଫ (ସଂଶୋଧନ) ବିଲ୍ ୨୦୨୪ ଆଗତ କରାଯିବ। ବିଜେପି ପିଚ୍ ପ୍ରସ୍ତୁତ କରିଥିବା ବେଳେ ନୀତିଶ, ଚନ୍ଦ୍ରବାବୁ ନାଇଡୁ ସମେତ ସମସ୍ତ ଏନଡିଏ ଦଳ ଏକାଠି ହୋଇଛନ୍ତି। ସାଂସଦମାନଙ୍କ ପାଇଁ ହ୍ୱିପ୍ ମଧ୍ୟ ଜାରି କରାଯାଇଛି। ସରକାର ସହଯୋଗୀମାନଙ୍କ ପରାମର୍ଶକୁ ମଧ୍ୟ ଅନ୍ତର୍ଭୁକ୍ତ କରିଛନ୍ତି।
ସେହିପରି ବିରୋଧୀ ଦଳ ମଧ୍ୟ ସରକାରଙ୍କୁ ଘେରିବାକୁ ରଣନୀତି ପ୍ରସ୍ତୁତ କରିଛନ୍ତି। ଇଣ୍ଡିଆ ଆଲାଏନ୍ସରେ ସାମିଲ ଦଳଗୁଡ଼ିକ ସଂସଦରେ ୱାକଫ ସଂଶୋଧନ ବିଲ୍କୁ ବିରୋଧ କରିବେ। ସକାଳ ୯ଟା ୩୦ମି.ରେ କଂଗ୍ରେସ ସଂସଦୀୟ ଦଳର ଏକ ବୈଠକ ହେବ। ଏଥିରେ ସୋନିଆ ଗାନ୍ଧୀ ଏବଂ ବିରୋଧୀ ଦଳ ନେତା ରାହୁଲ ଗାନ୍ଧୀ ମଧ୍ୟ ଉପସ୍ଥିତ ରହିବେ। ଏହି ବିଲ୍ ଉପରେ ପ୍ରବଳ ହଙ୍ଗାମା ହେଉଛି। ଖାସ୍ କଥା ହେଉଛି ଯେ ଶାସକ ଏବଂ ବିରୋଧୀ ଉଭୟ ଦଳର ମୁସଲିମ ନେତାମାନେ ବିଲ୍ ବିଷୟରେ ଭିନ୍ନ ଭିନ୍ନ ମତ ରଖିଛନ୍ତି।
କେରଳ ଚର୍ଚ୍ଚ ସଂଗଠନ ସମସ୍ତ ରାଜନୈତିକ ଦଳକୁ ୱାକଫ ସଂଶୋଧନ ବିଲକୁ ସମର୍ଥନ କରିବାକୁ ଅନୁରୋଧ କରିଛି।ବିଲ୍ ଉପରେ ଆଲୋଚନା ପାଇଁ ବିଜେପିକୁ ୪ଘଣ୍ଟା ସମୟ ଦିଆଯାଇଛି। NDAକୁ ମୋଟ ୪ ଘଣ୍ଟା ୪୦ ମିନିଟ୍ ସମୟ ଦିଆଯାଇଛି। ବିଲ୍ ଉପରେ ଆଲୋଚନା ପାଇଁ ୮ ଘଣ୍ଟା ସମୟ ଦିଆଯାଇଛି। ତଥାପି ଆବଶ୍ୟକତା ଅନୁସାରେ ସମୟ ବୃଦ୍ଧି କରାଯାଇପାରିବ। ବାଚସ୍ପତି ଓମ୍ ବିର୍ଲା ଏହା ଉପରେ ନିଷ୍ପତ୍ତି ନେବେ। ସେହିପରି ଏନଡିଏ ଏହାର ସମସ୍ତ ଲୋକସଭା ସାଂସଦଙ୍କୁ ଉପସ୍ଥିତ ରହିବା ପାଇଁ ଏକ ହ୍ୱିପ୍ ଜାରି କରିଛି। ନୀତିଶ କୁମାର, ଚନ୍ଦ୍ରବାବୁ ନାଇଡୁ, ଜିତନ ରାମ ମାଞ୍ଝି, ଚିରାଗ ପାସୱାନ ବିଲ୍ ସମର୍ଥନରେ ଭୋଟ ଦେବାକୁ ଘୋଷଣା କରିଛନ୍ତି। ସଂସଦର ଚଳିତ ବଜେଟ ଅଧିବେଶନ ଶୁକ୍ରବାର ଶେଷ ହେଉଛି।
