କଟକ: ଚଳିତବର୍ଷ କଟକର ଐତିହାସିକ ବାରବାଟୀ ଷ୍ଟାଡିୟମରେ ଖେଳାଯିବ ଆଉ ଏକ ଇଣ୍ଟରନ୍ୟାସନାଲ ମ୍ୟାଚ୍ । ଟି-୨୦ ମ୍ୟାଚରେ ମୁହେଁମୁହିଁ ହେବେ ଭାରତ ଓ ଦକ୍ଷିଣ ଆଫ୍ରିକା । ଡିସେମ୍ବର ୯ ତାରିଖରେ ଏହି ମ୍ୟାଚ୍ ଖେଳାଯିବ । ୫ ମ୍ୟାଚ୍ ବିଶିଷ୍ଟ ସିରିଜର ଏହା ହେବ ପ୍ରଥମ ମ୍ୟାଚ୍ । ବାରବାଟୀରେ ମ୍ୟାଚ୍ ହେବା ନେଇ ଜଣଶ ପଡ଼ିବା ପରେ କ୍ରିକେଟ୍ ପ୍ରେମୀଙ୍କ ମଧ୍ୟରେ ଉତ୍ସାହ ଦେଖିବାକୁ ମିଳିଛି ।
ଗତ ଜାନୁଆରୀ ମାସରେ ଭାରତ- ଇଂଲଣ୍ଡ ଦିନିକିଆ ହାଇସ୍କୋରିଂ ମ୍ୟାଚରେ ଭାରତର ଦମଦାର ବିଜୟ ହୋଇଥିଲା । ଏହାପରେ ଆସନ୍ତା ଡିସେମ୍ୱର ମାସରେ ଆଉ ଏକ ମ୍ୟାଚ୍ ହେବା ନେଇ କ୍ରୀଡ଼ାପ୍ରେମୀଙ୍କ ଖୁସିକୁ ଦୁଇଗୁଣ କରିଛି । ତେବେ ଗତ ମ୍ୟାଚରେ ଲାଇଟ୍ ଲିଭିବା ଭଳି ତ୍ରୁଟିର ଯେମିତି ପୁନରାବୃତ୍ତି ନହୁଏ, ସେଥିପ୍ରତି ଓସିଏ ଦୃଷ୍ଟି ଦେବା ଦରକାର ବୋଲି କ୍ରୀଡ଼ାପ୍ରେମୀ କହିଛନ୍ତି ।