ଓଡ଼ିଶା ଡଟ୍ ନ୍ୟୁଜ୍ ବ୍ୟୁରୋ4/04/2025 at 2:04 PM
ଉତ୍ତରପ୍ରଦେଶ ବରେଲୀରୁ ଏକ ହୃଦୟବିଦାରକ ଘଟଣା ସାମ୍ନାକୁ ଆସିଛି । ଯେଉଁଥିରେ ହସଖୁସିର ବାତାବରଣରେ କିଛି ସମୟରେ ହିଁ ଶୋକାକୂଳ ପରିବେଶ ସୃଷ୍ଟି କରିଛି । ହସୁଥିବା ଚେହେରା, ଝିଲ୍ମିଲ୍ ଆଲୁଅ ଓ ଗୀତରେ ନାଚୁଥିବା ବେଳେ ହଠାତ୍ ଟଳି ପଡିଥିଲେ ଜଣେ ବ୍ୟବସାୟୀ । କେହି କିଛି ବୁଝିବା ଆଗରୁ ହଠାତ୍ ସବୁକିଛି ବଦଳି ଯାଇଥିଲା ।
ଏହି ଘଟଣା ବରେଲୀର । ଜଣେ ଜୋତା ବ୍ୟବସାୟୀ ୫୦ ବର୍ଷୀୟ ୱାସିମ ସରୱାତ ନିଜ ୨୫ ତମ ବିବାହ ବାର୍ଷିକୀ ପାଳନ କରୁଥିବା ବେଳେ ତାଙ୍କର ମୃତ୍ୟୁ ହୋଇଛି । ବିବାହ ମଣ୍ଡପରେ ନିଜ ସ୍ତ୍ରୀ ସହ ନୃତ୍ୟୁ ପରିବେଷଣ କରୁଥିବା ବେଳେ ସେ ନାଚୁ ନାଚୁ ହଠାତ୍ ତଳେ ପଡିଯାଇଥିଲେ । ତାଙ୍କୁ ତୁରନ୍ତ ଉଦ୍ଧାର କରାଯାଇ ହସ୍ପିଟାଲ ନିଆଯାଇଥିଲା । ମାତ୍ର ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ଏହି ଘଟଣାର ଭିଡିଓ ଏବେ ସୋସିଆଲ ମିଡିଆରେ ଦ୍ରୁତ ଗତିରେ ଭାଇରାଲ୍ ହେଉଛି । ଯେଉଁଥିରେ ଦେଖାଯାଉଛି ବ୍ୟକ୍ତି ଜଣକ ନିଜ ପତ୍ନୀଙ୍କ ସହ ନାଚୁ ଥିବା ବେଳେ ହଠାତ୍ ପଡିଯାଇଛନ୍ତି । ଏହାପରେ ସେଠାରେ ଉପସ୍ଥିତ ଥିବା ଲୋକେ ଏକାଠି ହୋଇ ତାଙ୍କୁ ତୁରନ୍ତ ହସ୍ପିଟାଲ ନେଇଥିଲେ ।