ଓଡ଼ିଶା ଡଟ୍ ନ୍ୟୁଜ୍ ବ୍ୟୁରୋ6/04/2025 at 11:53 AM
ୱାଶିଂଟନ: ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ କ୍ଷମତାକୁ ଆସିବାର ତିନି ମାସ ବି ହୋଇନାହିଁ, କିନ୍ତୁ ସେ ତାଙ୍କ ନିଷ୍ପତ୍ତି ଦ୍ୱାରା ଆମେରିକୀୟ ଜନସାଧାରଣଙ୍କୁ କ୍ରୋଧିତ କରିଛନ୍ତି। ବର୍ତ୍ତମାନ ପରିସ୍ଥିତି ଏପରି ହୋଇଛି ଯେ ଆମେରିକାରେ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଏବଂ କୋଟିପତି ଏଲୋନ ମସ୍କଙ୍କ ବିରୋଧରେ ପ୍ରତିବାଦ ହେଉଛି।
ଆମେରିକାର ସମସ୍ତ ୫୦ଟି ରାଜ୍ୟରେ ଲକ୍ଷ ଲକ୍ଷ ଲୋକ ଏହି ପ୍ରତିବାଦରେ ଅଂଶଗ୍ରହଣ କରିଥିଲେ। ରିପୋର୍ଟ ଅନୁସାରେ, ହ୍ୟାଣ୍ଡସ୍ ଅଫ୍ ଆନ୍ଦୋଳନର ଅଂଶ ସ୍ୱରୂପ ଦେଶର ବିଭିନ୍ନ ରାଜ୍ୟରେ ୧୪୦୦ ରୁ ଅଧିକ ପ୍ରତିବାଦ ଦେଖାଯାଇଥିଲା। ଏହି ପ୍ରଦର୍ଶନଗୁଡ଼ିକ ରାଜ୍ୟ ରାଜଧାନୀ, ଫେଡେରାଲ୍ କୋଠା, କଂଗ୍ରେସ କାର୍ଯ୍ୟାଳୟ, ସାମାଜିକ ସୁରକ୍ଷା ମୁଖ୍ୟାଳୟ, ପାର୍କ ଏବଂ ସିଟି ହଲ ଗୁଡ଼ିକରେ ଅନୁଷ୍ଠିତ ହୋଇଥିଲା।
ଆନ୍ଦୋଳନକାରୀମାନେ ଅନେକ ଗୁଡିଏ ଦାବି ରଖିଛନ୍ତି। ସେଥିମଧ୍ୟରୁ ମୁଖ୍ଯ ଦାବିଗୁଡିକ ହେଉଛି ଟ୍ରମ୍ପ ପ୍ରଶାସନରେ କୋଟିପତିଙ୍କ ଅଧିଗ୍ରହଣ ଏବଂ ଦୁର୍ନୀତିକୁ ସମାପ୍ତ କରିବା।