ଆସିବ ୧୦ ଓ ୫୦୦ ଟଙ୍କିଆ ନୂଆ ନୋଟ୍; ହେବ ଏହି ପରିବର୍ତ୍ତନ
ନୂଆଦିଲ୍ଲୀ: ରିଜର୍ଭ ବ୍ୟାଙ୍କ ପୁଣି ଥରେ ୫୦୦ ଟଙ୍କିଆ ନୂଆ ନୋଟ୍ ଜାରି କରିବାକୁ ଯାଉଛି। ଏହା ସହିତ ଆରବିଆଇ ୧୦ ଟଙ୍କିଆ ନୂଆ ନୋଟ୍ ମଧ୍ୟ ଜାରି କରିବ। ଏହି ଦୁଇଟି ନୋଟରେ ବଡ ପରିବର୍ତ୍ତନ ହେବାର ସମ୍ଭାବନା ଅଛି। ବର୍ତ୍ତମାନ ବଜାରରେ ଥିବା ୧୦ ଏବଂ ୫୦୦ ଟଙ୍କାର ନୋଟ୍ ଉପରେ ଏହାର କୌଣସି ପ୍ରଭାବ ପଡ଼ିବ ନାହିଁ।
ରିଜର୍ଭ ବ୍ୟାଙ୍କ ଅଫ୍ ଇଣ୍ଡିଆ (ଆରବିଆଇ) ଶୁକ୍ରବାର ଦିନ ମହାତ୍ମା ଗାନ୍ଧୀ (ନୂତନ) ସିରିଜରେ ୧୦ ଏବଂ ୫୦୦ ଟଙ୍କିଆ ନୋଟ୍ ଜାରି କରିବ ବୋଲି କହିଛି। ଏହି ନୋଟ୍ ଗୁଡିକର ଡିଜାଇନ୍ ମହାତ୍ମା ଗାନ୍ଧୀ (ନୂତନ) ସିରିଜର ବିଦ୍ୟମାନ ୧୦ ଏବଂ ୫୦୦ ଟଙ୍କା ନୋଟ ସହିତ ସମାନ ବୋଲି କେନ୍ଦ୍ରୀୟ ବ୍ୟାଙ୍କ ଏକ ବିବୃତ୍ତିରେ କହିଛି। ଏହାର ଅର୍ଥ ହେଉଛି ନୂଆ ନୋଟରେ କୌଣସି ବଡ଼ ପରିବର୍ତ୍ତନ କରାଯିବ ନାହିଁ।
ଆରବିଆଇ ସ୍ପଷ୍ଟ ଭାବେ କହିଛି ଯେ ନୂତନ ନୋଟ୍ ପ୍ରଦାନ ସତ୍ବେ ରିଜର୍ଭ ବ୍ୟାଙ୍କ ଦ୍ବାରା ପୂର୍ବରୁ ଜାରି କରାଯାଇଥିବା ୧୦ରୁ ୫୦୦ ଟଙ୍କା ମୂଲ୍ୟର ସମସ୍ତ ନୋଟ୍ ବୈଧ ରହିବ। ଏହାର ଅର୍ଥ ହେଉଛି ଯେ ଉଭୟ ପ୍ରକାରର ବିଦ୍ୟମାନ ମୁଦ୍ରା ବର୍ତ୍ତମାନ ଭଳି ବଜାରରେ କାରବାର ଜାରି ରଖିବ। ତେବେ ୧୧ ଡିସେମ୍ବର ୨୦୨୪ରେ ସଞ୍ଜୟ ମାଲହୋତ୍ରା ଆରବିଆଇ ଗଭର୍ଣ୍ଣର ଭାବରେ ଦାୟିତ୍ବ ଗ୍ରହଣ କରିଥିଲେ। ସେ ୬ ବର୍ଷ ଧରି ଗଭର୍ଣ୍ଣର ରହିଥିବା ଶକ୍ତିକାନ୍ତ ଦାସଙ୍କ ସ୍ଥାନ ନେଇଥିଲେ।
