ଓଡ଼ିଶା ଡଟ୍ ନ୍ୟୁଜ୍ ବ୍ୟୁରୋ

11/04/2025 at 11:04 AM

ମୁମ୍ବାଇ: କିଛି ମାସ ପୂର୍ବରୁ ରାମ କପୁର ସୋସିଆଲ ମିଡିଆରେ ନିଜର ୱେଟ୍ ଲସ୍ ନେଇ ଫଟୋ ସେୟାର କରିଥିଲେ, ଯେଉଁଥିରେ ତାଙ୍କ ଲୁକ୍ ଦେଖି ସମସ୍ତେ ଆଶ୍ଚର୍ଯ୍ୟ ହୋଇଯାଇଥିଲେ। ଅଭିନେତା ଜଣକ ନିଜ ଓଜନ ହ୍ରାସ କରି ସମସ୍ତଙ୍କୁ ଆଶ୍ଚର୍ଯ୍ୟ କରିଦେଇଥିଲେ। ଏହା ପରେ ବିମାନବନ୍ଦରରୁ କରଣ ଜୋହରଙ୍କ ଏକ ଭିଡିଓ ଭାଇରାଲ ହୋଇଥିଲା, ଯେଉଁଥିରେ ଲୋକମାନେ ତାଙ୍କ ଲୁକ୍ ଦେଖି ଆଶ୍ଚର୍ଯ୍ୟ ହୋଇଯାଇଥିଲେ। ଆଉ ଏବେ ହାସ୍ୟ ଅଭିନେତା କପିଲ ଶର୍ମାଙ୍କ ଏକ ଭିଡିଓ ମଧ୍ଯ ଭାଇରାଲ ହେବାରେ ଲାଗିଛି।

ହାସ୍ୟ ଅଭିନେତା କପିଲ ଶର୍ମାଙ୍କୁ ନିକଟରେ ମୁମ୍ବାଇ ବିମାନବନ୍ଦରରେ ଦେଖିବାକୁ ମିଳିଥିଲା। ଲୋକମାନେ ତାଙ୍କର ଟ୍ରାନ୍ସଫର୍ମେସନ ଲୁକ୍ ଦେଖି ଆଶ୍ଚର୍ଯ୍ୟ ହୋଇଯାଇଥିଲେ। ଭିଡିଓରେ କପିଲ ବହୁତ ପତଳା ଦେଖାଯାଉଛନ୍ତି ଏବଂ ତାଙ୍କର ଓଜନ ହ୍ରାସ ପ୍ରଶଂସକମାନଙ୍କୁ ମଧ୍ଯ ଚିନ୍ତାରେ ପକାଇଛି। ମୁମ୍ବାଇ ବିମାନବନ୍ଦରରେ ସେ ଏକ ଧୂସର ରଙ୍ଗର ଟ୍ରାକସୁଟ୍ ଏବଂ କଳା ଚଷମା ପିନ୍ଧିଥିଲେ।

ସେ ବିମାନବନ୍ଦରରେ ପାପାରାଜିଙ୍କ ସାମ୍ନାରେ ମଧ୍ୟ ପୋଜ୍ ଦେଇଥିଲେ। ଏହି ସମୟ ମଧ୍ୟରେ ଲୋକମାନେ ତାଙ୍କ ଟ୍ରାନ୍ସଫର୍ମେସନ ଲୁକ୍ ଦେଖି ଆଶ୍ଚର୍ଯ୍ୟ ହୋଇଯାଇଥିଲେ। ଏହାପରେ ସେ ସୋସିଆଲ ମିଡିଆରେ ଭିନ୍ନଭିନ୍ନ ପ୍ରତିକ୍ରିୟା ଦେବାରେ ଲାଗିଛନ୍ତି।