ବଢୁଛି ରବର୍ଟ ଭାଡ୍ରାଙ୍କ ସମସ୍ୟା; ପୁଣି ସମନ୍ କଲା ଇଡି

ନୂଆଦିଲ୍ଲୀ: ହରିୟାଣାର ଏକ ଜମି କାରବାର ସହିତ ଜଡିତ ଏକ ମାମଲାରେ ରବର୍ଟ ଭାଡ୍ରାଙ୍କ ସମସ୍ୟା ବଢ଼ିବା ପରି ମନେ ହେଉଛି। ଏହି ମାମଲାରେ ପ୍ରବର୍ତ୍ତନ ନିର୍ଦ୍ଦେଶାଳୟ (ଇଡି) ଭାଡ୍ରାଙ୍କୁ ଦ୍ୱିତୀୟ ସମନ ପଠାଇଛି। ଏହି ମାମଲା ହରିୟାଣାର ଶିକୋପୁର ଜମି ଚୁକ୍ତି ସହିତ ଜଡିତ ମନି ଲଣ୍ଡରିଂର। ଏହି ମାମଲାରେ ଭାଡ୍ରାଙ୍କୁ ଦ୍ୱିତୀୟ ଥର ପାଇଁ ସମନ ଜାରି କରାଯାଇଛି।

ସମନ ପରେ ଭାଡ୍ରା ଇଡି କାର୍ଯ୍ୟାଳୟକୁ ଯାଇଛନ୍ତି। ସେ ପାଦରେ ଚାଲି ଚାଲି ଇଡି ଅଫିସ ଯାଉଛନ୍ତି। ତେବେ ରବର୍ଟ ଭାଡ୍ରା ୮ ଏପ୍ରିଲରେ ଜାରି ହୋଇଥିବା ପ୍ରଥମ ସମନରେ ହାଜର ହୋଇ ନଥିଲେ। ଇଡି ଭାଡ୍ରାଙ୍କୁ ପଚରାଉଚରା ପାଇଁ ତାଙ୍କ କାର୍ଯ୍ୟାଳୟକୁ ଆସିବାକୁ କହିଥିଲା। କେନ୍ଦ୍ରୀୟ ତଦନ୍ତକାରୀ ସଂସ୍ଥା ଭାଦ୍ରାଙ୍କ କମ୍ପାନୀ ସ୍କାଇଲାଇଟ୍ ହସପିଟାଲିଟି ସହ ଜଡିତ ଆର୍ଥିକ ଅନିୟମିତତାର ତଦନ୍ତ କରୁଛି।

ଇଡି ଅନୁଯାୟୀ, ଭାଡ୍ରାଙ୍କ କମ୍ପାନୀ ଫେବୃଆରୀ ୨୦୦୮ରେ ଓମକାରେଶ୍ୱର ପ୍ରପର୍ଟିଜ୍ ଠାରୁ ଗୁଡ଼ଗାଓଁର ଶିକୋଫୁରରେ ୩.୫ ଏକର ଜମି ୭.୫କୋଟି ଟଙ୍କାରେ କିଣିଥିଲା। ତାଙ୍କ କମ୍ପାନୀ ଏହି ଜମିକୁ ୫୮ କୋଟି ଟଙ୍କାରେ ରିଅଲ ଇଷ୍ଟେଟ୍ ଜାଏଣ୍ଟ DLFକୁ ବିକ୍ରି କରିଥିଲା। କେନ୍ଦ୍ରୀୟ ଏଜେନ୍ସି ସନ୍ଦେହ କରୁଛି ଯେ ଏହି ପରିମାଣ ଏକ ମନି ଲଣ୍ଡରିଂ ଯୋଜନାର ଅଂଶ ହୋଇପାରେ ଏବଂ ତେଣୁ ଏହି ଅପ୍ରତ୍ୟାଶିତ ଲାଭ ପଛରେ ଥିବା ଟଙ୍କାର ତଦନ୍ତ କରୁଛି।