ପହଲଗାମରେ ଆତଙ୍କବାଦୀ ଆକ୍ରମଣ; ଏୟାର ଇଣ୍ଡିଆ ନେଲା ବଡ଼ ନିଷ୍ପତି
ଶ୍ରୀନଗର: ପହଲଗାମ ନିକଟସ୍ଥ ବୈସାରନରେ ହୋଇଥିବା ଆତଙ୍କବାଦୀ ଆକ୍ରମଣରେ ଏପର୍ଯ୍ୟନ୍ତ ୨୮ ଜଣଙ୍କ ମୃତ୍ୟୁ ହୋଇଛି। ଆକ୍ରମଣ ପରେ ପର୍ଯ୍ୟଟକମାନେ ଆତଙ୍କିତ ହୋଇପଡ଼ିଛନ୍ତି। ସେମାନେ ଫେରିବାକୁ ଚାହୁଁଛନ୍ତି କିନ୍ତୁ ରାସ୍ତା ଅବରୋଧ ହୋଇଥିବାରୁ ଫସି ରହିଛନ୍ତି।
ଏହି ସମୟରେ, ଏୟାର ଇଣ୍ଡିଆ ପର୍ଯ୍ୟଟକଙ୍କୁ କିଛିଟା ଆଶ୍ୱସ୍ତି ଦେଇଛି। ଏୟାର ଇଣ୍ଡିଆ ଏକ୍ସପ୍ରେସ ଶ୍ରୀନଗରରୁ ଦିଲ୍ଲୀ ଏବଂ ମୁମ୍ବାଇକୁ ଦୁଇଟି ଅତିରିକ୍ତ ବିମାନ ଉଡାଣ ଘୋଷଣା କରିଛି। ଏୟାର ଇଣ୍ଡିଆ ସୋସିଆଲ ମିଡିଆ ପ୍ଲାଟଫର୍ମରେ କହିଛି ଯେ ୨୩ ଏପ୍ରିଲ ବୁଧବାର ଦିନ ଶ୍ରୀନଗରରୁ ଦିଲ୍ଲୀ ଏବଂ ମୁମ୍ବାଇକୁ ଦୁଇଟି ଅତିରିକ୍ତ ବିମାନ ଉଡାଣ କରୁଛି। ଏୟାର ଇଣ୍ଡିଆର ବିବୃତ୍ତିରେ କୁହାଯାଇଛି ଯେ ବୁଧବାର ଦିନ ଶ୍ରୀନଗରରୁ ଦିଲ୍ଲୀକୁ ସକାଳ ୧୧:୩୦ ଏବଂ ମୁମ୍ବାଇକୁ ମଧ୍ୟାହ୍ନ ୧୨:୦୦ ରେ ବିମାନ ଉଡାଣ କରିବ।
ସେପରି ଅନ୍ୟ ସମସ୍ତ ବିମାନଗୁଡ଼ିକ ସେମାନଙ୍କର ନିର୍ଦ୍ଧାରିତ ସମୟ ଅନୁଯାୟୀ ଶ୍ରୀନଗରରୁ ଉଡାଣ ଭରିବେ। ଯାତ୍ରୀଙ୍କ ପାଇଁ ଏୟାର ଇଣ୍ଡିଆ ଆଉ ଏକ ବଡ଼ ଆଶ୍ୱସ୍ତି ଘୋଷଣା କରିଛି। ତେବେ ଏୟାର ଇଣ୍ଡିଆ ଏହି ରୁଟରେ ଯାତ୍ରା କରୁଥିବା ଯାତ୍ରୀମାନଙ୍କୁ ଏପ୍ରିଲ ୩୦ ପର୍ଯ୍ୟନ୍ତ ମାଗଣା ପୁନଃବୁକିଂ ଏବଂ ପୂର୍ଣ୍ଣ ଫେରସ୍ତ ସୁବିଧା ମଧ୍ୟ ପ୍ରଦାନ କରିବ।
