ରାମଲୀଳା ଦେଖିବା ବେଳେ ନଡ଼ିଆ ଗଛ ପଡ଼ି ମହିଳା ମୃତ
ଓଡ଼ିଶା ଡଟ୍ ନ୍ୟୁଜ୍: ରାମଲୀଳା ଦେଖୁଥିଲେ । ପ୍ରଭୁ ଶ୍ରୀରାମଙ୍କ ଭକ୍ତିରେ ଲିନ ହୋଇ ଯାଇଥିଲେ । ଏହି ସମୟରେ ଉପରେ ପଡ଼ିଲା ବିରାଟକାୟ ନଡ଼ିଆ ଗଛ । ଚାହୁଁ ଚାହୁଁ ଚାଲିଗଲା ଜଣଙ୍କ ଜୀବନ । ଏମିତି ଘଟଣା ଦେଖିବାକୁ ମିଳିଛି ଜଗତସିଂହପୁର ଜିଲ୍ଲା କୁଜଙ୍ଗ ବଳରାମପୁର ଗାଁରେ । ରାମଲୀଳା ପରିବେଷଣ ବେଳେ ନଡ଼ିଆ ଗଛ ପଡି ଜଣଙ୍କ ମୃତ୍ୟୁ ହୋଇଥିବା ବେଳେ ୪ ଜଣ ଗୁରୁତର ହୋଇଛନ୍ତି । ଗୁରୁତରଙ୍କୁ କଟକ ଏସସିବିରେ ଭର୍ତ୍ତି କରାଯାଇଛି ।
ଖବର ଅନୁସାରେ, ବଳରାମପୁର ଗାଁରେ ଗତକାଲି ରାତିରେ ରାମଲୀଳା ପରିବେଷଣ ହେଉଥିଲା । ରାମଲୀଳାରେ ହନୁମାନ ଚଢ଼ିବା ପାଇଁ ଏକ ନଡ଼ିଆ ଗଛରେ ରଶି ବାନ୍ଧି ଏହାକୁ ଟ୍ରାକ୍ଟରରେ ଟାଇଟ୍ କରାଯାଉଥିଲା । ଏହି ସମୟରେ ଗଛଟି ହଠାତ୍ ଭାଙ୍ଗି ପଡିଥିଲା । କେହି କିଛି ବୁଝିବା ପୂର୍ବରୁ ନଡ଼ିଆ ଗଛ ସେଠାରେ ରାମଲୀଳା ଦେଖୁଥିବା ଦର୍ଶକଙ୍କ ଉପରେ ପଡିଥିଲା । ଉତ୍ତ୍ୟକ୍ତ ଲୋକେ ଆମ୍ବୁଲାନ୍ସକୁ ଭଙ୍ଗାରୁଜା କରିଥିଲେ ।
