ଓଡ଼ିଶା ଡଟ୍ ନ୍ୟୁଜ୍ ବ୍ୟୁରୋ1/05/2025 at 8:49 AM
ନୂଆଦିଲ୍ଲୀ: ଅମୂଲ ୧ ମେ, ୨୦୨୫ ଠାରୁ କ୍ଷୀରର ମୂଲ୍ୟ ଲିଟର ପିଛା ୨ ଟଙ୍କା ବୃଦ୍ଧି କରିଛି। ବର୍ଦ୍ଧିତ ମୂଲ୍ୟ ସାରା ଦେଶରେ ଆଜିଠୁ କାର୍ଯ୍ୟକାରୀ ହେବ। କମ୍ପାନୀ କହିଛି ଯେ ଜୁନ୍ ୨୦୨୪ ପରଠାରୁ କ୍ଷୀର ମୂଲ୍ୟରେ କୌଣସି ବୃଦ୍ଧି ହୋଇନାହିଁ।
ଗତ ବର୍ଷ ଅମୂଲ ଗ୍ରାହକମାନଙ୍କୁ ଆଶ୍ୱସ୍ତି ଦେବା ପାଇଁ ପ୍ରାୟ ପାଞ୍ଚ ମାସ ପାଇଁ ୧ ଲିଟର ଏବଂ ୨ ଲିଟର ପ୍ୟାକରେ ଯଥାକ୍ରମେ ୫୦ ମିଲି ଏବଂ ୧୦୦ ମିଲି ଅତିରିକ୍ତ କ୍ଷୀର ମାଗଣାରେ ଯୋଗାଇଥିଲା। ଏହା ବ୍ୟତୀତ ଜାନୁଆରୀ ୨୦୨୫ରେ ଅମୂଲ ଏହାର ୧ ଲିଟର ପ୍ୟାକର ମୂଲ୍ୟ ୧ ଟଙ୍କା ହ୍ରାସ କରିଥିଲା। ଯାହା ଗ୍ରାହକଙ୍କୁ ଆଶ୍ୱସ୍ତି ଦେଇଥିଲା। କମ୍ପାନୀ କହିଛି ଯେ ମୂଲ୍ୟ ବୃଦ୍ଧିର ମୁଖ୍ୟ କାରଣ ହେଉଛି ୩୬ ଲକ୍ଷରୁ ଅଧିକ ଦୁଗ୍ଧ ଉତ୍ପାଦକଙ୍କ ଇନପୁଟ୍ ଖର୍ଚ୍ଚ ବୃଦ୍ଧି। ଗତ ଗୋଟିଏ ବର୍ଷ ମଧ୍ୟରେ ଅମୂଲର ସମସ୍ତ ସଦସ୍ୟ ୟୁନିଅନଗୁଡ଼ିକ ମଧ୍ୟ ଚାଷୀମାନଙ୍କୁ କ୍ଷୀରର ଭଲ ମୂଲ୍ୟ ଦେବା ଆରମ୍ଭ କରିଛନ୍ତି।
ଅମୂଲର କହିବାନୁଯାୟୀ, ଗ୍ରାହକମାନଙ୍କଠାରୁ ସଂଗୃହୀତ ପ୍ରାୟ ୮୦ ପ୍ରତିଶତ ରାଶି ସିଧାସଳଖ କ୍ଷୀର ଉତ୍ପାଦକମାନଙ୍କୁ ଫେରସ୍ତ କରାଯାଏ। କ୍ଷୀରର ବିକ୍ରୟ ମୂଲ୍ୟ ବୃଦ୍ଧିର ଅବଶିଷ୍ଟ ଅଂଶ କ୍ଷୀର ଉତ୍ପାଦକମାନଙ୍କୁ ଫେରସ୍ତ କରାଯିବ। ଯାହା ଫଳରେ ସେମାନଙ୍କୁ କ୍ଷୀର ଉତ୍ପାଦନ ବୃଦ୍ଧି କରିବା ପାଇଁ ପ୍ରୋତ୍ସାହିତ କରାଯାଇପାରିବ।