ଓଡ଼ିଶା ଡଟ୍ ନ୍ୟୁଜ୍ ବ୍ୟୁରୋ

11/05/2025 at 12:33 PM

ନୂଆଦିଲ୍ଲୀ: ଅପରେସନ ସିନ୍ଦୂର ପରେ ଭାରତ ଏବଂ ପାକିସ୍ତାନ ମଧ୍ୟରେ ଯୁଦ୍ଧବିରତି ଘୋଷଣା କରାଯାଇଛି। ଏହା ସତ୍ତ୍ୱେ ପାକିସ୍ତାନ ପକ୍ଷରୁ ଅସ୍ତ୍ରବିରତି ଉଲ୍ଲଂଘନ କରାଯାଉଛି।

ପାକିସ୍ତାନର ଏହି ମନୋଭାବକୁ ଦେଶ ଏବଂ ବିଶ୍ୱରେ ସମାଲୋଚନା କରାଯାଉଛି। ଏହି ସମୟରେ କଂଗ୍ରେସ ନେତା ଶଶି ଥରୁର ଏକ ସାୟରି ଜରିଆରେ ପଡ଼ୋଶୀ ଦେଶକୁ କଟାକ୍ଷ କରିଛନ୍ତି। ଇନଷ୍ଟାଗ୍ରାମରେ ପୋଷ୍ଟ କରି ଥରୁର ହିନ୍ଦୀରେ ଏକ ପୋଷ୍ଟ ସେୟାର କରିଛନ୍ତି। ସେ ଲେଖିଛନ୍ତି, ପ୍ରତିଶ୍ରୁତିରୁ ଓହରିଯିବା ତାଙ୍କର ସ୍ୱଭାବ, ମୁଁ ତାଙ୍କ ପ୍ରତିଶ୍ରୁତିକୁ କିପରି ବିଶ୍ୱାସ କରିପାରିବି। ଥରୁର ତାଙ୍କ ପୋଷ୍ଟର ଶେଷ #ceasefireviolated ହ୍ୟାସଟ୍ୟାଗ୍ ଦେଇଛନ୍ତି।

ପାକିସ୍ତାନୀ ଡ୍ରୋନ୍ ଭାରତୀୟ ଅଞ୍ଚଳରେ ପ୍ରବେଶ କରିବା ପରେ ଶ୍ରୀନଗର ଏବଂ ଆଖପାଖ ସୀମାବର୍ତ୍ତୀ ଜିଲ୍ଲାଗୁଡ଼ିକରେ ଜୋରଦାର ବିସ୍ଫୋରଣ ହେବା ପରେ ଥରୁର ଏଭଳି କମେଣ୍ଟ କରିଥିଲେ।

ତେବେ ସତର୍କତାମୂଳକ ପଦକ୍ଷେପ ସ୍ୱରୂପ ଜମ୍ମୁ-କାଶ୍ମୀର, ପଞ୍ଜାବ ଏବଂ ରାଜସ୍ଥାନର ଅନେକ ଜିଲ୍ଲାରେ ସମ୍ପୂର୍ଣ୍ଣ ବ୍ଲାକଆଉଟ୍ ଜାରି କରାଯାଇଥିଲା।