ଓଡ଼ିଶା ଡଟ୍ ନ୍ୟୁଜ୍ ବ୍ୟୁରୋ14/05/2025 at 8:36 AM
ନୂଆଦିଲ୍ଲୀ: ଭାରତ ଏବଂ ପାକିସ୍ତାନ ମଧ୍ୟରେ ଚାଲିଥିବା ଉତ୍ତେଜନା ଦେଶରେ ତୁର୍କି ବୟକଟ୍ ଟ୍ରେଣ୍ଡ କରୁଛି। ନିକଟରେ ଜମ୍ମୁ-କାଶ୍ମୀରର ପହଲଗାମରେ ହୋଇଥିବା ଆତଙ୍କବାଦୀ ଆକ୍ରମଣରେ ୨୬ ଜଣ ନିର୍ଦ୍ଦୋଷ ଲୋକ ପ୍ରାଣ ହରାଇଛନ୍ତି। ଏହା ପରେ ଭାରତ ‘ଅପରେସନ୍ ସିନ୍ଦୂର’ ଆରମ୍ଭ କରିଥିଲା ଏବଂ ପାକିସ୍ତାନ ଏବଂ ପାକ୍ ଅଧିକୃତ କାଶ୍ମୀର (POK)ରେ ଥିବା ଆତଙ୍କବାଦୀ ଆଡ୍ଡାଗୁଡ଼ିକୁ ଟାର୍ଗେଟ କରିଥିଲା।
ସେହି ସମୟରେ ଯେତେବେଳେ ପ୍ରାୟ ସାରା ବିଶ୍ୱ ଭାରତର ଏହି ପଦକ୍ଷେପକୁ ସମର୍ଥନ କରିଥିଲା, ସେତେବେଳେ କିଛି ଦେଶ ପାକିସ୍ତାନ ସହିତ ଠିଆ ହୋଇଥିବାର ଦେଖାଯାଇଥିଲା। ତୁର୍କୀ ସେମାନଙ୍କ ମଧ୍ୟରୁ ଗୋଟିଏ, ଯାହା ଯୋଗୁଁ ଭାରତରେ ‘ବୟକଟ୍ ତୁର୍କୀ’ ସ୍ଲୋଗାନ ଜୋର ଧରିଛି। ପାକିସ୍ତାନକୁ ସମର୍ଥନ କରି ତୁର୍କୀ ପରୋକ୍ଷରେ ଭାରତ ବିରୁଦ୍ଧରେ ନିଜର ମତ ସ୍ପଷ୍ଟ କରିଥିଲା। ଏହାର ପ୍ରଭାବ ଭାରତରେ ତୁରନ୍ତ ଦେଖାଗଲା।
Ixigo ଏବଂ EaseMyTrip ଭଳି ଅନେକ ଅନଲାଇନ୍ ଯାତ୍ରା ପ୍ଲାଟଫର୍ମ ତୁର୍କୀ ପାଇଁ ବିମାନ ଏବଂ ହୋଟେଲ ବୁକିଂ ବନ୍ଦ କରିଦେଇଛନ୍ତି। କିନ୍ତୁ କଥା ଏଠାରେ ସୀମିତ ରହିଲା ନାହିଁ। ଭାରତୀୟ ବ୍ୟବସାୟୀମାନେ ମଧ୍ୟ ତୁର୍କୀରୁ ଆସୁଥିବା ସେଓକୁ ବର୍ଜନ କରିବା ଆରମ୍ଭ କଲେ। ଫଳସ୍ୱରୂପ, ତୁର୍କୀ ସେଓ ଏବେ ବଜାରରୁ ପ୍ରାୟ ଗାଏବ ହୋଇଗଲାଣି।
ସୋସିଆଲ ମିଡିଆ ପ୍ଲାଟଫର୍ମ X ରେ Boycott Türkiye ହ୍ୟାସଟ୍ୟାଗ୍ ମଧ୍ୟ ଟ୍ରେଣ୍ଡ କରୁଛି। ଏଥିରେ ଲୋକମାନେ ଖୋଲାଖୋଲି ଭାବରେ ସେମାନଙ୍କର ମତ ପ୍ରକାଶ କରୁଛନ୍ତି। ଜଣେ ୟୁଜର୍ସ ଲେଖିଛନ୍ତି ଯେ ଭାରତ, ତୁର୍କୀର କଷ୍ଟକର ସମୟରେ ସମର୍ଥନ କରିଥିଲା କିନ୍ତୁ ଯେତେବେଳେ ଭାରତ ସହିତ ଠିଆ ହେବାର ଆବଶ୍ୟକତା ଥିଲା ସେତେବେଳେ ତୁର୍କି ସେଠାରେ ନଥିଲା।