ନାକଡେଇଁ-ନାଗେଶ୍ଵର ଯୁବକ ସଂଘ ପକ୍ଷରୁ ପକ୍ଷୀ ଙ୍କ ପାଇଁ ପିଇବା ପାଣି କଲେ ବ୍ୟବସ୍ଥା
ଉଲୁଣ୍ଡା : (ସୌମିତ୍ରି ମେହେର)
ସୁବର୍ଣ୍ଣପୁର ଜିଲ୍ଲା ଉଲୁଣ୍ଡା ବ୍ଲକ ଅନ୍ତର୍ଗତ ନାଗେଶ୍ୱର ଯୁବକ ସଂଘ, ନାକଡେଇଁ ଦ୍ୱାରା ପକ୍ଷୀଙ୍କ ପାଇଁ ପିଇବା ପାଣିର ବ୍ୟବସ୍ଥା କରାଯାଇଛି । ପ୍ରକୃତି ବନ୍ଧୁ ହୃଷୀକେଶ ଦେହେରୀଙ୍କ ଉଦ୍ୟମରେ ଏହି କାର୍ଯ୍ୟ କରାଯାଇଛି । ବର୍ତ୍ତମାନ୍ ସମୟରେ ପ୍ରକୃତିକୁ ବଞ୍ଚାଇବା ସହିତ ଜଙ୍ଗଲକୁ ସୁରକ୍ଷା ପ୍ରଦାନ କରି ପଶୁ ପକ୍ଷୀଙ୍କ ଉପଯୁକ୍ତ ଯତ୍ନନେବା ହିଁ ଶ୍ରୀ ଦେହେରୀଙ୍କ ଆହ୍ବାନ । ଖରାର ତୀବ୍ରତା କୁ ଦୃଷ୍ଟିରେ ରଖି , ପଶୁ ପକ୍ଷୀମାନଙ୍କର ଶୋଷରେ ଡହଳବିକଳ ଦୃଶ୍ୟ ଦେଖି ସଂଘ ପକ୍ଷରୁ ପାଣିର ବ୍ୟବସ୍ଥା କରାଯାଇଛି। ମାଟି ପାତ୍ରରେ ପାଣି ଭର୍ତ୍ତିକରି ଗଛ ଶାଖାରେ ବାନ୍ଧିବା ସହ ଭୂମି ଉପରେ ମଧ୍ୟ ବ୍ୟବସ୍ଥା କରାଯାଇଛି l ଯାହା ଫଳରେ ପକ୍ଷୀମାନେ ପାଣି ପିଇ ଶୋଷ ମେଣ୍ଟାଇ ପାରିବେ। ବର୍ଷା ଆସିବା ପର୍ଯ୍ୟନ୍ତ ପାଣି ଯୋଗାଇଦେବେ ବୋଲି ଯୁବକ ସଂଘ ର ପ୍ରତ୍ୟେକ ସଦସ୍ୟ ଶପଥ ନେଇଛନ୍ତି । ଏହି କାର୍ଯ୍ୟକ୍ରମରେ ଉପସ୍ଥିତ ଥିଲେ ସିକୁନ ଥନାପତି, ଆଦେଶ ଥନାପତି, ଶିତିକଣ୍ଠ ଥନାପତି, ପିଣ୍ଟୁ ପଧାନ, ହୃଷୀକେଶ ପଧାନ। ଏହିପରି ମହାନ କାର୍ଯ୍ଯପାଇଁ ପ୍ରକୃତି ପ୍ରେମୀ ମାନେ ସମସ୍ତଙ୍କୁ ପ୍ରଂଶସା କରିଛନ୍ତି।
