ଦୀପିକାଙ୍କ ସ୍ଥାନ ନେଲେ ତୃପ୍ତି ଡିମିରି, ସ୍ପିରିଟରେ ଆସିବେ ନଜର
ମୁମ୍ବାଇ: ଦୀପିକା ପାଦୁକୋନ ଆଜିକାଲି ତାଙ୍କ ମଦରହୁଡ ଜର୍ଣିର ମଜା ନେଉଛନ୍ତି। ଝିଅ ଦୁଆ ଆସିବା ପରଠାରୁ ଅଭିନେତ୍ରୀ କାମରୁ ଛୁଟି ନେଇଥିବା ଦେଖିବାକୁ ମିଳିଛି। ଦୀପିକାଙ୍କ ପ୍ରଶଂସକମାନେ ତାଙ୍କର ଅନ୍ୟ ଆଗାମୀ ଫିଲ୍ମ ପାଇଁ ବହୁତ ଦିନ ଧରି ଅପେକ୍ଷା କରିଥିଲେ। ଏହି ସମୟରେ, ଦୀପିକା ପାଦୁକୋନଙ୍କ ପ୍ରଶଂସକମାନଙ୍କ ପାଇଁ ଏକ ଖରାପ ଖବର ଅଛି। ‘ଆନିମଲ୍’ ଏବଂ ‘କବୀର ସିଂହ’ ଭଳି ଫିଲ୍ମର ନିର୍ଦ୍ଦେଶକ ସନ୍ଦୀପ ରେଡ୍ଡୀ ଭାଙ୍ଗାଙ୍କ ଆଗାମୀ ଫିଲ୍ମ ‘ସ୍ପିରିଟ୍’ରେ ଦୀପିକା ବାହାରି ଯାଇଛନ୍ତି। ଆଉ ତାଙ୍କୁ ରିପ୍ଲେସ କରିଛନ୍ତି ତୃପ୍ତି ଡିମିରି।
ତୃପ୍ତି ଡିମିରି ମଧ୍ୟ ‘ସ୍ପିରିଟ୍’ରେ ନିଜର ପ୍ରବେଶକୁ ନିଶ୍ଚିତ କରିଛନ୍ତି। ତୃପ୍ତି ନିକଟରେ ଇନଷ୍ଟାଗ୍ରାମରେ ଏକ ପୋଷ୍ଟ ସେୟାର କରିଛନ୍ତି, ଯେଉଁଥିରେ ତାଙ୍କ ନାମ ଅନେକ ଭାଷାରେ ଲେଖାଯାଇଥିଲା ଏବଂ ‘ସ୍ପିରିଟ’ ଶବ୍ଦ ବଡ଼ ଅକ୍ଷରରେ ଲେଖାଯାଇଥିଲା।
ଫିଲ୍ମ ବିଷୟରେ ନିଜର ଖୁସି ପ୍ରକାଶ କରି ତୃପ୍ତି କ୍ୟାପସନରେ ଲେଖିଛନ୍ତି – ‘ଏବେ ବି ଚିନ୍ତାରେ ହଜିଯାଇଛି… ଏହି ଯାତ୍ରାରେ ବିଶ୍ୱାସ ରଖିଥିବାରୁ ବହୁତ କୃତଜ୍ଞ।’ ଧନ୍ୟବାଦ ସନ୍ଦୀପ ରେଡ୍ଡୀ ଭାଙ୍ଗା… ଆପଣଙ୍କ ଦୃଷ୍ଟିକୋଣର ଅଂଶ ହୋଇଥିବାରୁ ମୁଁ ସମ୍ମାନିତ।
