ଓଡ଼ିଶା ଡଟ୍ ନ୍ୟୁଜ୍ ବ୍ୟୁରୋ26/05/2025 at 2:45 PM
ନୂଆଦିଲ୍ଲୀ: ଭାରତରେ ପୁଣି ଥରେ କରୋନା ଦ୍ରୁତ ଗତିରେ ବ୍ୟାପିବା ଆରମ୍ଭ କରିଛି। ଦେଶରେ କୋଭିଡ୍-୧୯ର ସକ୍ରିୟ ମାମଲା ସଂଖ୍ୟା ୧୦୦୦ ଅତିକ୍ରମ କରିଛି। କେରଳରୁ କର୍ଣ୍ଣାଟକ ଏବଂ ମହାରାଷ୍ଟ୍ରରୁ ଦିଲ୍ଲୀ ପର୍ଯ୍ୟନ୍ତ ଏବେ କରୋନାର ନୂତନ ମାମଲା ଭୟଙ୍କର ହେବାରେ ଲାଗିଛି।
ସ୍ୱାସ୍ଥ୍ୟ ମନ୍ତ୍ରଣାଳୟ ଦ୍ୱାରା ପ୍ରକାଶିତ ସଦ୍ୟତମ ତଥ୍ୟ ଅନୁଯାୟୀ, ଭାରତରେ ବର୍ତ୍ତମାନ ମୋଟ ୧୦୦୯ ଜଣ ସକ୍ରିୟ COVID-19 ମାମଲା ରହିଛି। ବର୍ଷକ ମଧ୍ୟରେ ଏହା ପ୍ରଥମ ଥର ଯେ ଦେଶରେ କରୋନା ମାମଲା ୧୦୦୦ ଅତିକ୍ରମ କରିଛି। ସ୍ୱାସ୍ଥ୍ୟ ମନ୍ତ୍ରଣାଳୟର ତଥ୍ୟ ଅନୁଯାୟୀ, ଭାରତରେ ୧୦୦୯ ସକ୍ରିୟ ମାମଲା ମଧ୍ୟରୁ ୭୫୨ଟି ମାମଲା ସମ୍ପ୍ରତି ରିପୋର୍ଟ ହୋଇଛି।
ଏହା ସୂଚାଇ ଦେଉଛି ଯେ କରୋନା ଭାଇରସ ଏବେ ଧୀରେ ଧୀରେ ଅଧିକ ଶକ୍ତିଶାଳୀ ଭାବେ କାୟା ବିସ୍ତାର କରୁଛି। ଏହି କରୋନା ଏବେ ବି ସମ୍ପୂର୍ଣ୍ଣ ସମାପ୍ତ ହୋଇନାହିଁ। ଏହାକୁ ଏଡାଇବା ପାଇଁ ଲୋକଙ୍କୁ ସତର୍କ ରହିବାକୁ ପଡିବ। ତେବେ ଦିଲ୍ଲୀରେ କରୋନା ମାମଲା ସବୁଠାରୁ ଆଶ୍ଚର୍ଯ୍ୟଜନକ ହୋଇଛି। ଏଠାରେ କରୋନା ଭାଇରସର ୧୦୦ରୁ ଅଧିକ ମାମଲା ରିପୋର୍ଟ ହୋଇଛି।