ଓଡ଼ିଶା ଡଟ୍ ନ୍ୟୁଜ୍ ବ୍ୟୁରୋ28/05/2025 at 8:23 AM
ନୂଆଦିଲ୍ଲୀ: ରାଜ୍ୟସଭାର ପୂର୍ବତନ ବିରୋଧୀ ଦଳ ନେତା ଗୁଲାମ ନବୀ ଆଜାଦ ଅସୁସ୍ଥ ହୋଇପଡ଼ିଛନ୍ତି। ଗୁଲାମ ନବୀ ଆଜାଦ ପଶ୍ଚିମ ଏସିଆ ଏବଂ ଉତ୍ତର ଆଫ୍ରିକା ଗସ୍ତରେ ଯାଇଥିଲା ବେଳେ ସେଠାରେ ତାଙ୍କ ସ୍ୱାସ୍ଥ୍ୟାବସ୍ଥା ଖରାପ ହୋଇଯାଇଥିଲା। ଫଳରେ ତାଙ୍କୁ କୁୱେତର ଏକ ହସ୍ପିଟାଲରେ ଭର୍ତ୍ତି ହେବାକୁ ପଡିଥିଲା।
କୁହାଯାଉଛି ଯେ ସେ ତାଙ୍କର ଗସ୍ତ ଛାଡି ଭାରତ ଫେରିପାରନ୍ତି। ଗୁଲାମ ନବୀ ଆଜାଦ ବିଜେପି ସାଂସଦ ବୈଜୟନ୍ତ ପଣ୍ଡାଙ୍କ ନେତୃତ୍ୱରେ ଗଠିତ ପ୍ରତିନିଧିମଣ୍ଡଳର ଅଂଶ। ସାତ ଜଣ ସାଂସଦ ଏବଂ ନେତାଙ୍କ ପ୍ରତିନିଧିମଣ୍ଡଳ ଅପରେସନ ସିନ୍ଦୂର ଏବଂ ପାକିସ୍ତାନର ମୁଖା ଖୋଲିବାକୁ ବିଶ୍ୱର ଅନେକ ଦେଶକୁ ଯାଇଛନ୍ତି। ଏହି ପ୍ରତିନିଧିମଣ୍ଡଳ ସାଉଦି ଆରବରେ ପହଞ୍ଚିଥିଲା ଏବଂ ଏପର୍ଯ୍ୟନ୍ତ ସେମାନଙ୍କ ଆଲଜେରିଆ ଗସ୍ତ ବାକି ଅଛି।
ଏନେଇ ବୈଜୟନ୍ତ କହିଛନ୍ତି ଯେ ଗୁଲାମ ନବୀ ଆଜାଦଙ୍କୁ ହସ୍ପିଟାଲରେ ଭର୍ତ୍ତି କରିବାକୁ ପଡିଛି, ତାଙ୍କ ଅବସ୍ଥା ସ୍ଥିର ଅଛି, ଆମେ ତାଙ୍କୁ ସାଉଦି ଆରବ ଏବଂ ଆଲଜେରିଆରେ ମନେ ରଖିବୁ। ସେହିପରି ଆଜାଦ ‘X’ ରେ କହିଥିଲେ, “କୁୱେତରେ ପ୍ରବଳ ଗରମ ଯୋଗୁଁ ମୋର ସ୍ୱାସ୍ଥ୍ୟ ପ୍ରଭାବିତ ହୋଇଥିଲା କିନ୍ତୁ ମୁଁ ସୁସ୍ଥ ହେଉଛି। ସମସ୍ତ ଟେଷ୍ଟର ରେଜଲ୍ଟ ନର୍ମାଲ। ସମସ୍ତଙ୍କୁ ଧନ୍ୟବାଦ।