ଭାରତ ଗସ୍ତରେ ଆସିବେ ଏଲନ ମସ୍କଙ୍କ ପିତା, ରାମ ଲଲ୍ଲାଙ୍କ ଦର୍ଶନ କରିବେ…
ନୂଆଦିଲ୍ଲୀ: କୋଟିପତି ବ୍ୟବସାୟୀ ଏଲନ ମସ୍କଙ୍କ ପିତା ଏରୋଲ ମସ୍କ ଜୁନରେ ଭାରତ ଗସ୍ତରେ ଆସିବେ। ଏହି ସମୟରେ ସେ ଅଯୋଧ୍ୟାର ରାମ ମନ୍ଦିର ପରିଦର୍ଶନ କରିବେ।
ସୂଚନା ଅନୁଯାୟୀ, ସେ ଘରୋଇ କମ୍ପାନୀ ସର୍ଭୋଟେକର ବିଶ୍ୱ ପରାମର୍ଶଦାତା ବୋର୍ଡରେ ଅଛନ୍ତି। ଏରୋଲ ତାଙ୍କ ଭାରତ ଗସ୍ତ ସମୟରେ ବିଭିନ୍ନ ବ୍ୟବସାୟ ସମ୍ବନ୍ଧୀୟ ବୈଠକରେ ଯୋଗଦେବାକୁ ଯୋଜନା କରିଛନ୍ତି। ତାଙ୍କର ପାଞ୍ଚ ଦିନିଆ ଭାରତ ଗସ୍ତ ଜୁନ୍ ୧ ରୁ ଆରମ୍ଭ ହୋଇ ଜୁନ୍ ୬ ପର୍ଯ୍ୟନ୍ତ ଜାରି ରହିବ, ତା’ପରେ ସେ ଦକ୍ଷିଣ ଆଫ୍ରିକା ଯିବେ।
ସୂତ୍ର ଅନୁସାରେ, ‘ଜୁନ୍ ୧ ରେ ଜାତୀୟ ରାଜଧାନୀ ଦିଲ୍ଲୀରେ ପହଞ୍ଚିବା ପରେ ଏଲନ ମସ୍କ ଜୁନ୍ ୨ ରେ ଏକ କମ୍ପାନୀ କାର୍ଯ୍ୟକ୍ରମରେ ନୀତି ନିର୍ଦ୍ଧାରକ, ନିବେଶକ, ବ୍ୟବସାୟ ନେତା ଏବଂ ବିଭିନ୍ନ ମନ୍ତ୍ରଣାଳୟର ବରିଷ୍ଠ ବ୍ୟୁରୋକ୍ରାଟଙ୍କୁ ଭେଟିବେ। ସେ ରାମ ଲଲ୍ଲାଙ୍କଠାରୁ ଆଶୀର୍ବାଦ ନେବା ପାଇଁ ଅଯୋଧ୍ୟାର ରାମ ଜନ୍ମଭୂମି ମନ୍ଦିର ମଧ୍ୟ ପରିଦର୍ଶନ କରିବେ ବୋଲି ଜଣାପଡିଛି। ଯାହା ଭାରତର ସାଂସ୍କୃତିକ ଏବଂ ଆଧ୍ୟାତ୍ମିକ ଐତିହ୍ୟ ସହିତ ତାଙ୍କର ସମ୍ପର୍କକୁ ପ୍ରତିଫଳିତ କରେ।
