ଓଡ଼ିଶା ଡଟ୍ ନ୍ୟୁଜ୍ ବ୍ୟୁରୋ8/06/2025 at 12:57 PM
ମୁମ୍ବାଇ: ତରୁଣ ମନସୁଖାନୀଙ୍କ ନିର୍ଦ୍ଦେଶିତ କମେଡି ଫିଲ୍ମ ‘ହାଉସଫୁଲ ୫’ରେ ଏକ ଜବରଦସ୍ତ ଷ୍ଟାରକାଷ୍ଟ ଅଛି, ଯାହା ଦର୍ଶକଙ୍କୁ ଆକର୍ଷିତ କରିଛି। ରିଲିଜ୍ ହେବା ମାତ୍ରେ ଫିଲ୍ମଟି ଟିକେଟ୍ ୱିଣ୍ଡୋରେ ଭଲ ପ୍ରତିକ୍ରିୟା ପାଉଛି। ଏହି ସିନେମାରେ ଅକ୍ଷୟ କୁମାର, ରିତେଶ ଦେଶମୁଖ, ଅଭିଷେକ ବଚ୍ଚନ, ନର୍ଗିସ୍ ଫଖ୍ରୀ, ଜ୍ୟାକଲିନ୍ ଫର୍ଣ୍ଣାଣ୍ଡିଜ୍, ନାନା ପାଟେକର, ଫରଦୀନ୍ ଖାନ, ଜନି ଲିଭର, ଚଙ୍କି ପାଣ୍ଡେ ଅଭିନୟ କରିଛନ୍ତି।
ଅକ୍ଷୟ କୁମାରଙ୍କ ଷ୍ଟାର ପାୱାର, ଫ୍ରାଞ୍ଚାଇଜିର ଲୋକପ୍ରିୟତା ଏବଂ ହାଉସଫୁଲ 5 ର ଡୁଆଲ ଏଣ୍ଡିଂ କନସେପ୍ଟ ବହୁତ ଆଲୋଚନା କରିଥିଲା। ପ୍ରଥମ ଦିନ ସିନେମାଟି ୨୪ କୋଟି ଟଙ୍କା ସଂଗ୍ରହ କରିଥିଲା। ଦ୍ୱିତୀୟ ଦିନ ସିନେମାଟି ୩୦ କୋଟି ଟଙ୍କା ବିପୁଳ ପରିମାଣର ରୋଜଗାର କରିଥିଲା। ସାକନିଲ୍କର ରିପୋର୍ଟ ଅନୁଯାୟୀ, ଫିଲ୍ମଟି ରିଲିଜ୍ ହେବାର ତୃତୀୟ ଦିନ 0.04 କୋଟି ଟଙ୍କା ସଂଗ୍ରହ କରିଥିଲା। ଏହା ପ୍ରାରମ୍ଭିକ ସଂଖ୍ୟା ଏବଂ ଏହା ଆହୁରି ବୃଦ୍ଧି ପାଇବ। ସନ୍ଧ୍ୟା ସୁଦ୍ଧା ଚୂଡ଼ାନ୍ତ ସଂଖ୍ୟା ପ୍ରକାଶ ପାଇବ। ଫିଲ୍ମର ମୋଟ ଆୟ ୫୪.୦୪ କୋଟି ଟଙ୍କା।