ସାଉଦି ଆରବର ଏକ ବିମାନରେ ବାହାରିଲା ଧୂଆଁ

ଓଡ଼ିଶା ଡଟ୍ ନ୍ୟୁଜ୍ ବ୍ୟୁରୋ

ଲକ୍ଷ୍ନୌ: ରବିବାର ସକାଳେ ଲକ୍ଷ୍ନୌ ବିମାନବନ୍ଦରରେ ଏକ ବଡ଼ ଦୁର୍ଘଟଣା ଘଟିଯାଇଛି। ସାଉଦି ଆରବର ଜେଦ୍ଦାରୁ ବିମାନ SV 3112 ର ଅବତରଣ ସମୟରେ ବିମାନର ଚକରୁ ସ୍ପାର୍କିଂ ଏବଂ ଧୂଆଁ ବାହାରିବାକୁ ଲାଗିଲା। ଏହି ବିମାନରେ ପ୍ରାୟ ୨୫୦ ହଜ୍ ତୀର୍ଥଯାତ୍ରୀ ଥିଲେ। ଏହି ବିମାନ ସକାଳ ୬.୩୦ରେ ଲକ୍ଷ୍ନୌରେ ପହଞ୍ଚିଲା। ବିମାନଟି ରନୱେରେ ଅବତରଣ କରିବା ମାତ୍ରେ ଏହାର ଗୋଟିଏ ଚକରୁ ସ୍ପାର୍କିଂ ବାହାରୁଥିବା ଦେଖାଯାଇଥିଲା।

ବିମାନବନ୍ଦର କର୍ମଚାରୀମାନେ ତୁରନ୍ତ ସତର୍କତା ପ୍ରଦର୍ଶନ କରି ଜରୁରୀକାଳୀନ ପ୍ରକ୍ରିୟା ଗ୍ରହଣ କରି ସମସ୍ତ ଯାତ୍ରୀଙ୍କୁ ସୁରକ୍ଷିତ ଭାବରେ ବାହାର କରିଥିଲେ। ଏହି ଘଟଣା ବିଷୟରେ ଯାତ୍ରୀମାନେ ଜାଣିବା ପରେ ସେମାନେ ଭୟଭୀତ ହୋଇଯାଇଥିଲେ। ପରିସ୍ଥିତିକୁ ନିୟନ୍ତ୍ରଣ କରିବା ପାଇଁ ବିମାନକୁ ପଛକୁ ଠେଲି ଟ୍ୟାକ୍ସିୱେକୁ ଅଣାଯାଇଥିଲା। ଯାତ୍ରୀମାନଙ୍କୁ ସେଠାରୁ ସୁରକ୍ଷିତ ଭାବରେ ବାହାର କରାଯାଇଥିଲା।

ସେହିପରି ଗୁରୁବାର (ଜୁନ୍ ୧୨, ୨୦୨୫), ଲଣ୍ଡନର ଗାଟୱିକ୍ ବିମାନବନ୍ଦରକୁ ଯାଉଥିବା ଏୟାର ଇଣ୍ଡିଆର ଏକ ବିମାନ ବଡ଼ ଦୁର୍ଘଟଣାର ଶିକାର ହୋଇଥିଲା। ଉଡ଼ାଣ ଭରିବାର କିଛି ମିନିଟ୍ ପରେ ବିମାନଟି ଅହମ୍ମଦାବାଦର ଏକ ମେଡିକାଲ୍ କଲେଜ କ୍ୟାମ୍ପସରେ ଦୁର୍ଘଟଣାଗ୍ରସ୍ତ ହୋଇଥିଲା।