ଓଡ଼ିଶା ଡଟ୍ ନ୍ୟୁଜ୍ ବ୍ୟୁରୋ

18/06/2025 at 12:25 PM

ୱାଶିଂଟନ: ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଏବେ ପ୍ରଯୁକ୍ତିବିଦ୍ୟା ବଜାରରେ ମଧ୍ୟ ନିଜର ଉପସ୍ଥିତି ଜାହିର କରିବାକୁ ଯାଉଛନ୍ତି। ଟ୍ରମ୍ପଙ୍କ ପରିବାରିକ କମ୍ପାନୀ ଏକ ନୂତନ ସ୍ମାର୍ଟଫୋନ୍ ଟ୍ରମ୍ପ ମୋବାଇଲ୍ T1 ଲଞ୍ଚ କରିଛି, ଯାହା ସିଧାସଳଖ Apple iPhone ଏବଂ Google Pixel ସହିତ ପ୍ରତିଯୋଗିତା କରିବ। ବିଶେଷ କଥା ହେଉଛି ଏହି ଫୋନଟି ସମ୍ପୂର୍ଣ୍ଣ ଭାବରେ ଆମେରିକାରେ ନିର୍ମିତ ଅର୍ଥାତ୍ ‘Made in USA’ ଟ୍ୟାଗ୍ ସହିତ ଆସିଥାଏ।

ଟ୍ରମ୍ପ୍ T1 ସ୍ମାର୍ଟଫୋନର ମୂଲ୍ୟ $499 (ପ୍ରାୟ 42,800 ଟଙ୍କା) ରଖାଯାଇଛି। ଏହା ସହିତ, ବ୍ୟବହାରକାରୀମାନେ $100 ଡାଉନ୍ ପେମେଣ୍ଟ କରି EMI ବିକଳ୍ପ ମାଧ୍ୟମରେ ମଧ୍ୟ ଏହାକୁ କିଣିପାରିବେ। ଏହି ଫୋନର ପ୍ରି-ବୁକିଂ ଆରମ୍ଭ ହୋଇଛି ଏବଂ ଖୁବ୍ ଶୀଘ୍ର ଆମେରିକାରେ ଏହାର ବିକ୍ରି ଆରମ୍ଭ ହେବ।

ରିପୋର୍ଟ ଅନୁଯାୟୀ, ଡୋନାଲ୍ଡ ଟ୍ରମ୍ପଙ୍କ କମ୍ପାନୀର ଏହି ସ୍ମାର୍ଟଫୋନ୍ 6.8 ଇଞ୍ଚ AMOLED ଡିସପ୍ଲେ ସହିତ ଆସିବ। ଫୋନର ଡିସପ୍ଲେ 120Hz ଉଚ୍ଚ ରିଫ୍ରେସ୍ ରେଟ୍ ଫିଚରକୁ ସମର୍ଥନ କରିବ। ଏହି ଫୋନର ପଛ ଭାଗରେ ଟ୍ରିପଲ୍ କ୍ୟାମେରା ସେଟଅପ୍ ଉପଲବ୍ଧ ହେବ, ଯେଉଁଥିରେ 50MP ମୁଖ୍ୟ, 2MP ଗଭୀରତା ଏବଂ 2MP ମାକ୍ରୋ କ୍ୟାମେରା ଅନ୍ତର୍ଭୁକ୍ତ। ଏଥିରେ ସେଲଫି ଏବଂ ଭିଡିଓ କଲିଂ ପାଇଁ ଏକ 16MP କ୍ୟାମେରା ରହିବ।