ଓଡ଼ିଶା ଡଟ୍ ନ୍ୟୁଜ୍ ବ୍ୟୁରୋ19/06/2025 at 11:18 AM
ନୂଆଦିଲ୍ଲୀ: ଦିଲ୍ଲୀରୁ ଲେହ ଯାଉଥିବା ଏକ ଇଣ୍ଡିଗୋ ବିମାନର ଜରୁରୀକାଳୀନ ଅବତରଣ କରାଯାଇଛି। ବିମାନରେ ଯାନ୍ତ୍ରିକ ତ୍ରୁଟି ଦେଖାଦେବା ପରେ ପାଇଲଟଙ୍କ ସୂଚନା ଅନୁଯାୟୀ ବିମାନକୁ ଦିଲ୍ଲୀ ଫେରାଇ ଅଣାଯାଇଥିଲା।
ତେବେ ବିମାନର ଜରୁରୀକାଳୀନ ଅବତରଣ ଯାତ୍ରୀମାନଙ୍କ ମଧ୍ୟରେ ଆତଙ୍କ ସୃଷ୍ଟି କରିଥିଲା। ପରେ ଯାତ୍ରୀମାନଙ୍କ ପାଇଁ ଏକ ବିକଳ୍ପ ବିମାନର ବ୍ୟବସ୍ଥା କରାଯାଇଥିଲା। ଏନେଇ ଇଣ୍ଡିଗୋ ବିମାନ କର୍ତ୍ତୃପକ୍ଷ କହିଛନ୍ତି ଯେ ଦିଲ୍ଲୀରୁ ଲେହ ଯାଉଥିବା ଇଣ୍ଡିଗୋ ବିମାନ 6E 2006 ରେ ଏକ ଯାନ୍ତ୍ରିକ ତ୍ରୁଟି ଦେଖାଦେଇଥିଲା। ଲେହରେ ଅବତରଣ ପାଇଁ କାର୍ଯ୍ୟକ୍ଷମ ପ୍ରତିବନ୍ଧକ ଯୋଗୁଁ ବିମାନକୁ ଦିଲ୍ଲୀ ଫେରିବାକୁ ପଡିଲା।
ପାଇଲଟ୍ ଦିଲ୍ଲୀ ଫେରି ଆସିଛନ୍ତି। କାର୍ଯ୍ୟ ଆରମ୍ଭ କରିବା ପୂର୍ବରୁ ବିମାନର ଆବଶ୍ୟକୀୟ ରକ୍ଷଣାବେକ୍ଷଣ କରାଯାଉଛି। ଏହି ସମୟରେ ଯାତ୍ରୀମାନଙ୍କୁ ଲେହ ନେବା ପାଇଁ ଏକ ବିକଳ୍ପ ବିମାନର ବ୍ୟବସ୍ଥା କରାଯାଇଛି।