ସୌମିତ୍ରି ମେହେର14/05/2023 at 10:02 AM
ବୀରମହାରାଜାପୁର : ସୁବର୍ଣ୍ଣପୁର ଜିଲ୍ଲା ବୀର ମହାରାଜପୁର ଉପଖଣ୍ଡ ର ଉଲୁଣ୍ଡା ବ୍ଲକ ଅନ୍ତର୍ଗତ ବାଘପାଲି ଗ୍ରାମର ସାଇତା ରାୟ (52) ଙ୍କ ଶନିବାର ମୃତ୍ୟୁ ହୋଇଥିବା ବେଳେ ଏହା ଅଂଶୁଘାତ ଜନିତ ବୋଲି ଗ୍ରାମବାସୀ କୁହନ୍ତି l ସୂଚନା ଯେ,ମୃତା ଜଣକ ମଧ୍ୟାହ୍ନରେ ନିକଟସ୍ଥ ପାହାଡ଼ ତଳ ଜଙ୍ଗଲକୁ କେନ୍ଦୁପତ୍ର ତୋଳିବାକୁ ଯାଇ ଫେରିବା ବାଟରେ ତଳେ ପଡିଯାଇଥିଲା l ସେଠାରୁ ତାକୁ ଉଦ୍ଧାର କରି ନିଜ ଘରକୁ ଅଣାଯାଇଥିଲା l ହେଲେ ପରଦିନ ଟିକିଏ ସୁସ୍ଥ ହେବା ପରେ ପୁଣି ପତ୍ର ତୋଳିବାକୁ ଜଙ୍ଗଲକୁ ଯାଇ ଘରକୁ ଫେରି ଅସୁସ୍ଥ ହୋଇ ପଡିଥିଲା ଓ ସନ୍ଧ୍ୟାରେ ତାର ପ୍ରାଣ ବାୟୁ ଉଡି ଯାଇଥିଲା l ଏ ଘଟଣା ସମ୍ପର୍କରେ ଗ୍ରାମବାସୀ ତଥା ସମ୍ପର୍କୀୟ ମୁକୁନ୍ଦ ଧରୁଆ କୁହନ୍ତି ଯେ ପ୍ରଚଣ୍ଡ ଗ୍ରୀଷ୍ମ ପ୍ରବାହ ଯୋଗୁ ଖରାରେ ଯାଇଥିବାରୁ ତାର ଅଂଶୁଘାତ ରେ ମୃତ୍ୟୁ ହୋଇଥିବା ସମସ୍ତେ ସନ୍ଦେହ କରନ୍ତି l