ପୂର୍ବତନ ସିଜେଆଇଙ୍କୁ ବଙ୍ଗଳା ଖାଲି କରିବାକୁ ନିର୍ଦ୍ଦେଶ
ନୂଆଦିଲ୍ଲୀ: ଭାରତର ୫୦ତମ ମୁଖ୍ୟ ବିଚାରପତି (ସିଜେଆଇ) ଡିୱାଇ ଚନ୍ଦ୍ରଚୂଡ଼ଙ୍କୁ କିଏ ନ ଜାଣେ? ତାଙ୍କୁ ଅବସର ନେବାର ୮ ମାସ ବିତିଗଲାଣି, କିନ୍ତୁ ସେ ଏପର୍ଯ୍ୟନ୍ତ ତାଙ୍କର ସରକାରୀ ବାସଭବନ ଖାଲି କରିନାହାଁନ୍ତି। ଯାହା ପରେ ଏବେ ସୁପ୍ରିମକୋର୍ଟ ଏ ସମ୍ପର୍କରେ କେନ୍ଦ୍ର ସରକାରଙ୍କୁ ଏକ ଚିଠି ଲେଖିଛନ୍ତି।
ସୁପ୍ରିମକୋର୍ଟ ପୂର୍ବତନ ସିଜେଆଇଙ୍କୁ ଯଥାଶୀଘ୍ର ବଙ୍ଗଳା ଖାଲି କରିବାକୁ ନିର୍ଦ୍ଦେଶ ଦେଇଛନ୍ତି। ସୁପ୍ରିମକୋର୍ଟ ଜୁଲାଇ ୧ରେ ଗୃହ ଏବଂ ନଗର ବ୍ୟାପାର ମନ୍ତ୍ରଣାଳୟକୁ ଏକ ଚିଠି ଲେଖି ତୁରନ୍ତ ବଙ୍ଗଳା ଖାଲି କରିବାକୁ ନିର୍ଦ୍ଦେଶ ଦେଇଛି। ସୁପ୍ରିମକୋର୍ଟ ତାଙ୍କ ନୋଟିସରେ କହିଛନ୍ତି-ଆପଣଙ୍କୁ ଅନୁରୋଧ କରାଯାଉଛି ଯେ ସମ୍ମାନନୀୟ ଡିୱାଇ ଚନ୍ଦ୍ରଚୂଡ଼ ଜୀଙ୍କ ଠାରୁ ବଙ୍ଗଳା ନମ୍ବର ୫, କୃଷ୍ଣ ମେନନ ମାର୍ଗକୁ କୌଣସି ବିଳମ୍ବ ନକରି ଖାଲି କରନ୍ତୁ। ୨୦୨୨ ର ନିୟମ ୩ବି ଅନୁଯାୟୀ, ତାଙ୍କୁ ବଙ୍ଗଳାରେ ଅତିରିକ୍ତ ୬ ମାସ ରହିବାକୁ ଅନୁମତି ଦିଆଯାଇଥିଲା। ଏହି ଅବଧି ୧୦ ମଇ ୨୦୨୫ରେ ଶେଷ ହୋଇଥିଲା। ତାଙ୍କୁ ୩୧ ମଇ ୨୦୨୫ ପର୍ଯ୍ୟନ୍ତ ଅତିରିକ୍ତ ଅବଧି ପାଇଁ ବଙ୍ଗଳାରେ ରହିବାକୁ ଅନୁମତି ଦିଆଯାଇଥିଲା।
ଏବେ ସମୟ ଅବଧି ସରିଯାଇଥିବାରୁ ତାଙ୍କୁ ବଙ୍ଗଳା ଖାଲି ପାଇଁ ନିର୍ଦ୍ଦେଶ ଦେବାକୁ ପ୍ରଶାସନକୁ କୁହାଯାଇଛି।
