ଧମାଲ କରୁଛି ‘ସାୟାରା’; ବକ୍ସ ଅଫିସରେ ଜୋରଦାର କଲେକ୍ସନ
ମୁମ୍ବାଇ: “ସାୟାରା” ଫିଲ୍ମର ଯାଦୁ ଦର୍ଶକଙ୍କ ମନରେ ରାଜ କରୁଛି। ଦର୍ଶକଙ୍କ ଭିଡ଼ ଦେଖିବାକୁ ମିଳୁଛି। ମୋହିତ ସୁରିଙ୍କ ଫିଲ୍ମକୁ ଯୁବପିଢ଼ି ଅଧିକ ପସନ୍ଦ କରୁଛନ୍ତି।
ଆହାନ ପାଣ୍ଡେ ଏବଂ ଅନୀତ ପଡ୍ଡାଙ୍କ ଯାଦୁକରୀ ଯୋଡ଼ିକୁ ନେଇ ସୋସିଆଲ ମିଡିଆରେ ଆଲୋଚନା ହେଉଛି। ବଲିଉଡର ଅନେକ ବଡ଼ ଷ୍ଟାର ଫିଲ୍ମର ସମୀକ୍ଷା କରିଛନ୍ତି ଏବଂ ସମଗ୍ର ଷ୍ଟାରକାଷ୍ଟଙ୍କୁ ଅଭିନନ୍ଦନ ଜଣାଇଛନ୍ତି। ଆଲିଆ ଭଟ୍ଟ, ଅନନ୍ୟା ପାଣ୍ଡେ, ଅର୍ଜୁନ କପୁର, ମହେଶ ବାବୁ, କରଣ ଜୋହର ଫିଲ୍ମକୁ ସମର୍ଥନ କରିଛନ୍ତି। “ସାୟାରା” ବକ୍ସ ଅଫିସରେ ନିଜର ଯାଦୁ ଦେଖାଇଛି।
ସାକନିଲ୍କର ଏକ ରିପୋର୍ଟ ଅନୁଯାୟୀ, ଫିଲ୍ମଟି ଚତୁର୍ଥ ଦିନରେ ୦.୦୭ କୋଟି ଟଙ୍କା ସଂଗ୍ରହ କରିଛି। ସିନେମାର ମୋଟ ଆୟ ୮୩.୦୭ କୋଟି ଟଙ୍କା। ଫିଲ୍ମଟି କେବଳ ତିନି ଦିନରେ ଶାହିଦ କପୁରଙ୍କ ଫିଲ୍ମ “କବୀର ସିଂହ” ଏବଂ “ଆଶିକି ୨” ର ସପ୍ତାହାନ୍ତ ଆୟକୁ ପଛରେ ପକାଇ ଦେଇଛି। “କବୀର ସିଂହ” ସପ୍ତାହାନ୍ତରେ ୭୦.୮୩ କୋଟି ଟଙ୍କା ଏବଂ “ଆଶିକି ୨” ୨୦.୫ କୋଟି ଟଙ୍କା ବ୍ୟବସାୟ କରିଥିଲା। ସାୟାରା ଏହି ଦୁଇଟି ଫିଲ୍ମକୁ ପଛରେ ପକାଇ ଦେଇଛି।
ଅନୁପମ ଖେରଙ୍କ ତନଭି ଦି ଗ୍ରେଟ୍ ଏବଂ ସୋନାକ୍ଷୀ ସିହ୍ନା ଅଭିନୀତ ନିକିତା ରୟ, ସାୟାରା ସହିତ ଥିଏଟରରେ ମୁକ୍ତିଲାଭ କରିଥିଲା। ସାୟାରା ଚଳଚ୍ଚିତ୍ର ଏହି ଦୁଇଟି ଫିଲ୍ମକୁ ପଛରେ ପକାଇ ଦେଇଛି। ତନଭି ଦି ଗ୍ରେଟ୍ ଏବଂ ନିକିତା ରୟ ବକ୍ସ ଅଫିସରେ ଫ୍ଲପ୍ ହୋଇଥିଲା।
