ଅଭିନେତ୍ରୀ ତନୁଶ୍ରୀ ଦତ୍ତାଙ୍କୁ ନିର୍ଯାତନା ଦେଉଛନ୍ତି କି ନିଜ ପରିବାର, କାନ୍ଦି କାନ୍ଦି ଭିଡିଓ…
ମୁମ୍ବାଇ: ଅଭିନେତ୍ରୀ ତନୁଶ୍ରୀ ଦତ୍ତା ସୋସିଆଲ ମିଡିଆରେ ଏକ ଭିଡିଓ ସେୟାର କରିଛନ୍ତି। ମଙ୍ଗଳବାର ଇନଷ୍ଟାଗ୍ରାମରେ ସେୟାର ହୋଇଥିବା ଭିଡିଓରେ ଅଭିନେତ୍ରୀ କାନ୍ଦି କାନ୍ଦି କହୁଛନ୍ତି ଯେ ଗତ କିଛି ବର୍ଷ ଧରି ସେ ନିଜ ଘରେ ଶୋଷଣର ସମ୍ମୁଖୀନ ହେଉଛନ୍ତି। ସେ ଏହି ପରିସ୍ଥିତିରେ ବିରକ୍ତ ହୋଇ ଆଜି ପୋଲିସକୁ ଫୋନ୍ କରିଛନ୍ତି। ଏଥିସହିତ ତନୁଶ୍ରୀ ଲୋକମାନଙ୍କୁ ସାହାଯ୍ୟ ପାଇଁ ନିବେଦନ ମଧ୍ୟ କରିଛନ୍ତି।
ସେୟାର ହୋଇଥିବା ଭିଡିଓରେ ଅଭିନେତ୍ରୀ କାନ୍ଦି କାନ୍ଦି କହୁଛନ୍ତି, ‘ମୋ ଘରେ ମୋତେ ହଇରାଣ କରାଯାଉଛି। ମୁଁ ପୋଲିସକୁ ଫୋନ୍ କରିଛି। ପୋଲିସ ଆସିଛି’। ପୋଲିସ ଷ୍ଟେସନକୁ ଯିବେ ଏବଂ ଏକ ଉପଯୁକ୍ତ ଅଭିଯୋଗ ଦାଖଲ କରିବେ। ଅଭିନେତ୍ରୀ କହିଛନ୍ତି, ‘ମୁଁ ଭଲ ନାହିଁ। ଗତ ଚାରି-ପାଞ୍ଚ ବର୍ଷ ମଧ୍ୟରେ ମୋତେ ଏତେ ହଇରାଣ କରାଯାଇଛି ଯେ ମୋର ସ୍ୱାସ୍ଥ୍ୟ ଖରାପ ହୋଇଯାଇଛି। ମୁଁ କୌଣସି କାମ କରିପାରୁନାହିଁ। ମୋ ଘର ସମ୍ପୂର୍ଣ୍ଣ ଅପରିଷ୍କାର’।
ତନୁଶ୍ରୀ ଆହୁରି କହିଛନ୍ତି, ‘ମୁଁ ମୋ ଘରେ ଚାକରାଣୀ ରଖିପାରୁନାହିଁ, କାରଣ ସେମାନେ ଚାକର ଲଗାଇଛନ୍ତି। ମୋର ଚାକରାଣୀମାନଙ୍କ ସହିତ ବହୁତ ଖରାପ ଅଭିଜ୍ଞତା ଥିଲା। ସେମାନେ ଆସି ଚୋରି କରୁଥିଲେ। ଏହା ବ୍ୟତୀତ ଘର ବାହାରେ ଅଜବ ଶବ୍ଦ ଶୁଣେ, ମ୍ୟାନେଜମେଣ୍ଟରେ କମ୍ପ୍ଲେନ୍ କଲେ ବି କେହି ଶୁଣୁ ନାହାନ୍ତି। ଦୟାକରି କେହି ମୋତେ ସାହାଯ୍ୟ କରନ୍ତୁ! ବହୁତ ବିଳମ୍ବ ହେବା ପୂର୍ବରୁ କିଛି କରନ୍ତୁ।’ ସେ କ୍ୟାପସନରେ #MeToo ହ୍ୟାସଟ୍ୟାଗ୍ ମଧ୍ୟ ଲେଖିଛନ୍ତି।
