ଓଡ଼ିଶା ଡଟ୍ ନ୍ୟୁଜ୍ ବ୍ୟୁରୋ11/08/2025 at 8:30 AM
ଆଙ୍କାରା: ତୁର୍କୀର ଉତ୍ତର-ପଶ୍ଚିମ ପ୍ରଦେଶ ବାଲିକେସିରରେ ରବିବାର ସନ୍ଧ୍ୟାରେ ଭୂମିକମ୍ପ ଅନୁଭୂତ ହୋଇଛି। ରିକ୍ଟର ସ୍କେଲରେ ଭୂମିକମ୍ପର ତୀବ୍ରତା ୬.୧ ମାପ କରାଯାଇଥିଲା। ଭୂମିକମ୍ପ ଯୋଗୁଁ ଏକ ଡଜନରୁ ଅଧିକ କୋଠା ଭୁଶୁଡ଼ି ପଡ଼ିଛି।
ଅତି କମରେ ଜଣେ ବ୍ୟକ୍ତିଙ୍କ ମୃତ୍ୟୁ ଘଟିଛି ଏବଂ ୩୦ ଜଣ ଆହତ ହୋଇଛନ୍ତି। ଭୂମିକମ୍ପର କେନ୍ଦ୍ରସ୍ଥଳ ସିନ୍ଦିର୍ଗି ସହର ଥିଲା, କିନ୍ତୁ ତୁର୍କୀର ସବୁଠାରୁ ବଡ଼ ସହର ଇସ୍ତାନବୁଲ ପର୍ଯ୍ୟନ୍ତ ଏହି ଭୂମିକମ୍ପ ଅନୁଭୂତ ହୋଇଥିଲା। ଯାହାର ଜନସଂଖ୍ୟା ୧୬ ନିୟୁତରୁ ଅଧିକ। ତୁର୍କୀର ମନ୍ତ୍ରୀ ଅଲି ୟେରଲିକାୟା କହିଛନ୍ତି ଯେ ସିନ୍ଦିର୍ଗିରେ ଏକ ଭୁଶୁଡ଼ି ପଡ଼ିଥିବା କୋଠାର ଭଗ୍ନାବଶେଷରୁ ଜୀବନ୍ତ ବାହାର କରାଯିବା ପରେ ଜଣେ ବୃଦ୍ଧା ମହିଳାଙ୍କ ମୃତ୍ୟୁ ଘଟିଛି। କୋଠାରୁ ଅନ୍ୟ ଚାରି ଜଣଙ୍କୁ ଉଦ୍ଧାର କରାଯାଇଛି।
ମନ୍ତ୍ରୀ ଅଲି କହିଛନ୍ତି ଯେ ଆହତମାନଙ୍କ ମଧ୍ୟରୁ କାହାରି ଅବସ୍ଥା ଗୁରୁତର ନାହିଁ। ସେ କହିଛନ୍ତି ଯେ ଏହି ଅଞ୍ଚଳରେ ମୋଟ ୧୬ଟି କୋଠା ଭୁଶୁଡ଼ି ପଡ଼ିଛି। ଏଥିମଧ୍ୟରୁ ଅଧିକାଂଶ ବହୁତ ପୁରୁଣା ଏବଂ ବ୍ୟବହୃତ ଥିଲା। ଭୂମିକମ୍ପ ଯୋଗୁଁ ଦୁଇଟି ମସଜିଦର ମୀନାର ମଧ୍ୟ ଭୁଶୁଡ଼ି ପଡ଼ିଛି।