ସୌମିତ୍ରି ମେହେର29/08/2025 at 9:11 PM
ଉଲୁଣ୍ଡା : ସୁବର୍ଣ୍ଣପୁର ଜିଲ୍ଲା ଉଲୁଣ୍ଡା ବ୍ଲକ ମାଟୁପାଲି ବୀର ସୁରେନ୍ଦ୍ର ସାଏ କ୍ଲବ ତରଫରୁ 32 ତମ ନୂଆଖାଇ ଭେଟଘାଟ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ଏହି କାର୍ଯ୍ୟକ୍ରମରେ ଶିକ୍ଷାବିତ ଆଦିତ୍ୟ ରଞ୍ଜନ ବ୍ରହ୍ମଚାରୀ , ସାମାଜିକ କର୍ମୀ ଗରିବ ବାଘ, ଓ ସୁଦୂର ତାମିଲନାଡୁରୁ ଆସିଥିବା ନୂଆଖାଇ ପାଇଁ ଚନ୍ଦ୍ରମଣି ମାଝୀଙ୍କ ଉପସ୍ଥିତରେ ଭେଟଘାଟ ଅନୁଷ୍ଠିତ ହୋଇଥିଲା । ଏହି କାର୍ଯ୍ୟକ୍ରମକୁ ଶମ୍ଭୁରାଜ କର୍ଣ୍ଣ ପରିଚାଳନା କରିଥିବା ବେଳେ କ୍ଲବ ସଭାପତି ଧବଳେଶ୍ୱର ଭୁକ୍ତା ଅତିଥି ପରିଚୟ ଦେଇଥିଲେ । ରଘୁମଣି ବ୍ରହ୍ମଚାରୀ ସାଂସ୍କୃତିକ କାର୍ଯ୍ୟକ୍ରମକୁ ସଂଚାଳନା କରିଥିଲେ । ଗ୍ରାମର ଶିଶୁ କଳାକାର ମାନେ ନୃତ୍ୟ , ଗୀତ ପରିବେଷଣ କରିଥିଲେ । ସମସ୍ତ ପ୍ରତିଭାଗୀଙ୍କୁ ମାନପତ୍ର ସହିତ ପୁରସ୍କୃତ କରାଇଥିଲେ । ମଧୁସୂଦନ ମାଝୀ ଓ ଗଙ୍ଗାଧର ବାଘ , ପ୍ରଶାନ୍ତ ମେଲ୍ଲୀ , ସୁଶାନ୍ତ ଠାକୁର , ନୀଳମଣି ବାଘ , ଅର୍ଜୁନ ମାଝୀ , ଲବ ମାଝୀ ପ୍ରମୁଖ ସହଯୋଗ କରିଥିଲେ।