ସୌମିତ୍ରି ମେହେର18/05/2023 at 10:25 PM
ବୀରମହାରାଜାପୁର : ଆଜି ଦଶମ ଶ୍ରେଣୀ ପରୀକ୍ଷା ଫଳ ପ୍ରକାଶ ପାଇଥିବା ବେଳେ ବୀରମହାରାଜପୁର ଉପଖଣ୍ଡ ଉଲୁଣ୍ଡା ବ୍ଲକରେ ଜଣେ ମାତ୍ର ଛାତ୍ରୀ ଏ-୧ ଗ୍ରେଡ ପାଇ ବ୍ଲକରେ ଟପ୍ପର ହୋଇଛନ୍ତି । ବ୍ଲକ ଅନ୍ତର୍ଗତ ନିମ୍ନା ସରକାରୀ ପଂଚାୟତ ଉଚ୍ଚ ବିଦ୍ୟାଳୟରେ ପାଠ ପଢୁଥିବା ଅନ୍ୱେଷା ପାଢୀ ୬୦୦ ମାର୍କରୁ ୫୪୮ ମାର୍କ ଆଣି ଏ-୧ ଗ୍ରେଡ ହାସଲ କରିଛନ୍ତି । ଅନ୍ୱେଷା ବଢିଲା ଗ୍ରାମର ଗୋପାଲଦାସ ପାଢୀ ଏବଂ ଜୟଶ୍ରୀ ପାଢୀଙ୍କ ଝିଅ ବୋଲି ଜଣାପଡିଛି । ବିଦ୍ୟାଳୟର ସମସ୍ତ ଶିକ୍ଷକ, ଶିକ୍ଷୟତ୍ରୀଙ୍କ ସମେତ ବିଭିନ୍ନ ମହଲରୁ ଅନ୍ୱେଷାଙ୍କୁ ଅଭିନନ୍ଦନ ଜଣାଇଛନ୍ତି । ଅନ୍ୱେଷା ଭବିଷ୍ୟତରେ ଜଣେ ଡାକ୍ତର ହେବାର ଲକ୍ଷ୍ୟ ରଖିଛନ୍ତି ।