ଆପଣଙ୍କ ନିକଟତମ କେଉଁ ହସ୍ପିଟାଲରେ ମିଳିବ ମାଗଣା ଚିକତ୍ସା; ଜାଣନ୍ତୁ କିପରି କରିବେ ଆବେଦନ…
ନୂଆଦିଲ୍ଲୀ: ଦେଶବ୍ୟାପୀ ଲକ୍ଷ ଲକ୍ଷ ଲୋକଙ୍କ ପାଇଁ ଦିନକୁ ଦିନ ସରକାର ନୂଆ ନୂଆ ଯୋଜନା ଆଣିଛନ୍ତି। ଏମିତି ଏକ ଯୋଜନା ହେଉଛି ଆୟୁଷ୍ମାନ ଭାରତ ଯୋଜନା। ଏହି ଯୋଜନା ଅଧୀନରେ ଦେଶର ଲକ୍ଷ ଲକ୍ଷ ଲୋକ ମାଗଣାରେ ଚିକିତ୍ସା ପାଉଛନ୍ତି। ଆର୍ଥିକ ଦୃଷ୍ଟିରୁ ଦୁର୍ବଳ ବର୍ଗର ଲୋକଙ୍କ ପାଇଁ ସରକାର ଏହି ଯୋଜନା ଆରମ୍ଭ କରିଥିଲେ। ଯାହା ଦ୍ୱାରା ସେମାନେ ସହରର ମୁଖ୍ୟ ହସ୍ପିଟାଲଗୁଡ଼ିକରେ ମଧ୍ୟ ମାଗଣା ଚିକିତ୍ସା ସୁବିଧାରେ ପାଇପାରିବେ। ଦେଶବ୍ୟାପୀ ସରକାରୀ ଏବଂ ବେସରକାରୀ ହସ୍ପିଟାଲଗୁଡ଼ିକୁ ଏହି ଯୋଜନା ସହିତ ଯୋଡାଯାଇଛି।
ଯଦି ଆପଣଙ୍କ ପାଖେ ଆୟୁଷ୍ମାନ କାର୍ଡ ଅଛି ତେବେ ଆପଣ ୫ ଲକ୍ଷ ଟଙ୍କା ପର୍ଯ୍ୟନ୍ତ କ୍ୟାସଲେସ ଚିକିତ୍ସାର ସୁବିଧା ପାଇପାରିବେ। କିନ୍ତୁ ପ୍ରଶ୍ନ ହେଉଛି, ଯଦି ଆପଣଙ୍କ ସହର କିମ୍ବା ଜିଲ୍ଲାର କେଉଁ ହସ୍ପିଟାଲଗୁଡ଼ିକ ଏହି ଯୋଜନା ସହିତ ଜଡିତ ଅଛି ତେବେ ଆପଣ ଏହି ସୁବିଧା ସହଜରେ ପାଇପାରିବେ। ଏପରିକି ଅନଲାଇନ ମାଧ୍ୟମରେ ଆପଣ କେବଳ କିଛି ମିନିଟ୍ ମଧ୍ୟରେ ଆପଣଙ୍କ ଅଞ୍ଚଳର ସମସ୍ତ ତାଲିକାଭୁକ୍ତ ହସ୍ପିଟାଲ ବିଷୟରେ ସମସ୍ତ ସୂଚନା ପାଇପାରିବେ।
ଆୟୁଷ୍ମାନ କାର୍ଡ ମାଧ୍ୟମରେ ଚିକିତ୍ସା ସୁବିଧା ପାଇବା ପାଇଁ ହସ୍ପିଟାଲ ଗୁଡିକ ଏହି ଯୋଜନାରେ ପଞ୍ଜିକୃତ ହୋଇଥିବା ଆବଶ୍ୟକ। ଦେଶବ୍ୟାପୀ ହଜାର ହଜାର ସରକାରୀ ଏବଂ ବେସରକାରୀ ହସ୍ପିଟାଲ ଏହି ଯୋଜନାର ଅଂଶ। ଏଥିରେ ହୃଦ୍ରୋଗ, ଅର୍ଥୋ, ନ୍ୟୁରୋ ଏବଂ ସାଧାରଣ ଶଲ୍ୟଚିକିତ୍ସା ଭଳି ବିଭିନ୍ନ ବର୍ଗକୁ ଅନ୍ତର୍ଭୁକ୍ତ କରାଯାଇଛି। ଆପଣଙ୍କ ନିକଟ ସହରରେ ହସ୍ପିଟାଲଗୁଡ଼ିକର ତାଲିକା ଦେଖିବା ପାଇଁ ଆପଣ ଆୟୁଷ୍ମାନ ଭାରତ ୱେବସାଇଟ୍ ପରିଦର୍ଶନ କରିପାରିବେ।
ରାଜ୍ୟ ଏବଂ ଜିଲ୍ଲା ଚୟନ କରିବା ପରେ ଆପଣ “ହସ୍ପିଟାଲ ପ୍ୟାନେଲଡ୍” ଅପ୍ସନ୍ ପାଇବେ। ଏହି ବିକଳ୍ପ ଉପରେ କ୍ଲିକ୍ କରିବା ଦ୍ୱାରା ଆପଣଙ୍କ ଅଞ୍ଚଳର ଯୋଜନା ସହିତ ଜଡିତ ହସ୍ପିଟାଲଗୁଡ଼ିକର ଏକ ସମ୍ପୂର୍ଣ୍ଣ ତାଲିକା ଆସିବ। ଏହି ତାଲିକାରେ ହସ୍ପିଟାଲର ନାମ, ଠିକଣା ଏବଂ ଉପଲବ୍ଧ ଚିକିତ୍ସା ସୂଚନା ଅନ୍ତର୍ଭୁକ୍ତ ରହିଛି ।
ପ୍ରଥମେ, ଆୟୁଷ୍ମାନ ଭାରତ ୱେବସାଇଟ୍, https://hospitals.pmjay.gov.in କୁ ପରିଦର୍ଶନ କରନ୍ତୁ। ସେଠାରେ, ଆପଣ ” Find Hospital” ଅପ୍ସନ ପାଇବେ। ଏବେ ରାଜ୍ୟ, ଜିଲ୍ଲା, ହସ୍ପିଟାଲ ପ୍ରକାର ଏବଂ ସ୍ପେଶାଲିଟି ଚୟନ କରନ୍ତୁ। ତା’ପରେ ‘ସର୍ଚ୍ଚ’ ବଟନ୍ କ୍ଲିକ୍ କରନ୍ତୁ, କ୍ଲିକ କରିବା ପରେ ଆପଣ ନିକଟରେ ଥିବା ସମସ୍ତ ତାଲିକା ଭୁକ୍ତ ହସ୍ପିଟାଲଗୁଡ଼ିକ ବିଷୟରେ ସମ୍ପୂର୍ଣ୍ଣ ବିବରଣୀ ସ୍କ୍ରିନରେ ଦେଖି ପାରିବେ ଏବଂ ସୂଚନା ମଧ୍ୟ ପାଇଁ ପାରିବେ।
ୱେବସାଇଟରେ ପ୍ରତ୍ୟେକ ହସ୍ପିଟାଲର ନାମ, ଠିକଣା ଏବଂ ଚିକିତ୍ସାର ସୂଚନା ରହିଛି। ଏହା ଆପଣଙ୍କୁ ଆୟୁଷ୍ମାନ କାର୍ଡ ସାହାଯ୍ୟରେ କେଉଁ ହସ୍ପିଟାଲ ମାଗଣା ଚିକିତ୍ସା ପ୍ରଦାନ କରେ ତାହା ସହଜରେ ଜାଣିବାକୁ ଅନୁମତି ଦେଇଥାଏ। ଏହା ବ୍ୟତୀତ ଆପଣ ହସ୍ପିଟାଲର ଫୋନ୍ ନମ୍ବର ଏବଂ ଗାଇଡଲାଇନ୍ସ ମଧ୍ୟ ଦେଖିପାରିବେ। ଫଳରେ ଆପଣ ଚିକିତ୍ସା ପାଇଁ ପୂର୍ବରୁ ସେମାନଙ୍କ ସହିତ ଯୋଗାଯୋଗ କରିପାରିବେ ଏବଂ କୌଣସି ଅସୁବିଧାରୁ ମଧ୍ୟ ରକ୍ଷା ପାଇପାରିବେ।
