ଦିଲଜିତ୍ ଦୋସାଞ୍ଝଙ୍କୁ ଖାଲିସ୍ତାନୀ ପନ୍ନୁର ଧମକ, ଅମିତାଭ ବଚ୍ଚନଙ୍କ ସହ କନେକ୍ସନ

ଓଡ଼ିଶା ଡଟ୍ ନ୍ୟୁଜ୍ ବ୍ୟୁରୋ

ନୂଆଦିଲ୍ଲୀ: ଖାଲିସ୍ତାନୀ ଆତଙ୍କବାଦୀ ସଂଗଠନ ଶିଖ୍ସ ଫର ଜଷ୍ଟିସ୍ ର ଆତଙ୍କବାଦୀ ଗୁରୁପତୱନ୍ତ ସିଂହ ପନ୍ନୁ ଅଷ୍ଟ୍ରେଲିଆରେ ପଞ୍ଜାବୀ ଗାୟକ ଦିଲଜିତ୍ ଦୋସାଞ୍ଝଙ୍କ ଆଗାମୀ କନସର୍ଟକୁ ବନ୍ଦ କରିବାକୁ ଧମକ ଦେଇଛି। ଦିଲଜିତ୍ ଦୋସାଞ୍ଝ ଅମିତାଭ ବଚ୍ଚନଙ୍କ ପାଦ ଛୁଇଁବା ପରେ ଏହି ଧମକ ଆସିଛି।

ଶିଖ୍ସ ଫର ଜଷ୍ଟିସ୍ (SFJ) କହିଛି ଯେ ଅମିତାଭ ବଚ୍ଚନଙ୍କ ପାଦ ଛୁଇଁ “୧୯୮୪ ଶିଖ୍ ହତ୍ୟାକାଣ୍ଡର ପ୍ରତ୍ୟେକ ପୀଡିତ, ପ୍ରତ୍ୟେକ ବିଧବା ଏବଂ ପ୍ରତ୍ୟେକ ଅନାଥଙ୍କୁ ଅପମାନିତ କରିଛନ୍ତି। ସୂଚନା ଅନୁଯାୟୀ, କୌନ୍ ବନେଗା କରୋଡ଼ପତିରେ ଅମିତାଭ ବଚ୍ଚନଙ୍କ ପାଦ ଛୁଇଁବା ପରଠାରୁ ଦିଲଜିତ୍ ଦୋସାଞ୍ଝ କଠୋର ସମାଲୋଚନାର ସମ୍ମୁଖୀନ ହେଉଛନ୍ତି। ପଞ୍ଜାବୀ ଗାୟକ ଦିଲଜିତ୍ ଦୋସାଞ୍ଝଙ୍କ କନସର୍ଟ ନଭେମ୍ବର ୧ରେ ଅଷ୍ଟ୍ରେଲିଆରେ ହେବାକୁ ଯାଉଛି। ଏହା ପୂର୍ବରୁ ଖାଲିସ୍ତାନୀ ଆତଙ୍କବାଦୀ ସଂଗଠନ ଶିଖ୍ସ ଫର ଜଷ୍ଟିସ୍ ଏହାକୁ ବନ୍ଦ କରିବାକୁ ଧମକ ଦେଇଛି।ଆତଙ୍କବାଦୀ ସଂଗଠନ ଅନୁଯାୟୀ, ଅମିତାଭ ବଚ୍ଚନ ହେଉଛନ୍ତି ସେହି ବଲିଉଡ୍ ଅଭିନେତା ଯିଏ ୧୯୮୪ ଅକ୍ଟୋବର ୩୧ରେ “ଖୁନ୍ କା ଅବଦାଲା ଖୁନ୍” ସ୍ଲୋଗାନ ଦେଇ ଭାରତୀୟ ଜନତାକୁ ଉସୁକାଇଥିଲେ, ଯାହା ଫଳରେ ୩୦,୦୦୦ରୁ ଅଧିକ ଶିଖଙ୍କ ମୃତ୍ୟୁ ହୋଇଥିଲା। ଏପରି ପରିସ୍ଥିତିରେ ଦିଲଜିତ୍ ଦୋସାଞ୍ଜ ଅମିତାଭ ବଚ୍ଚନଙ୍କ ପାଦ ଛୁଇଁବା ପରେ ଏହି ଗ୍ୟାଙ୍ଗ୍ ଉତ୍ତେଜିତ ହୋଇ ପଡ଼ିଛି।

ରିପୋର୍ଟ ଅନୁଯାୟୀ, ଶିଖ୍ସ ଫର୍ ଜଷ୍ଟିସ୍ (SFJ) ବଲିଉଡ୍ ମେଗାଷ୍ଟାର ଅମିତାଭ ବଚ୍ଚନଙ୍କ ପାଦ ଛୁଇଁବା ପରେ ପଞ୍ଜାବୀ ଗାୟକ-ଅଭିନେତା ଦିଲଜିତ୍ ଦୋସାଞ୍ଜଙ୍କ କନସର୍ଟ ବନ୍ଦ କରିବାକୁ ଧମକ ଦେଇଛି।