ବିହାର ନିର୍ବାଚନରେ ରେକର୍ଡ ସଂଖ୍ୟକ ମତଦାନ…
ପାଟଣା: ବିହାର ମତଦାନରେ ନୂତନ ରେକର୍ଡ ସୃଷ୍ଟି ହୋଇଛି। ସମସ୍ତ ପୂର୍ବ ରେକର୍ଡ ଭାଙ୍ଗି ଯାଇଛି। ପ୍ରଥମ ପର୍ଯ୍ୟାୟ ମତଦାନରେ ୭୫ ବର୍ଷର ପୁରୁଣା ରେକର୍ଡ ଭାଙ୍ଗି ଯାଇଛି। ବିହାରର ଭୋଟରମାନେ ଉତ୍ସାହର ସହିତ ମତଦାନ କରିଛନ୍ତି। ଫଳସ୍ୱରୂପ ବିହାର ନିର୍ବାଚନର ପ୍ରଥମ ପର୍ଯ୍ୟାୟରେ ସମସ୍ତ ଭୋଟ ପ୍ରତିଶତର ରେକର୍ଡ ଭାଙ୍ଗି ଯାଇଛି।
ନିର୍ବାଚନ କମିଶନଙ୍କ ଅନୁଯାୟୀ, ପ୍ରଥମ ପର୍ଯ୍ୟାୟରେ ବିହାରରେ ଭୋଟଦାନ ହାର ସର୍ବାଧିକ ୬୪.୬୬% ଥିଲା। ବିହାରର ଇତିହାସରେ କୌଣସି ନିର୍ବାଚନରେ ଏତେ ଭୋଟଦାନ ହୋଇନାହିଁ। ଗୁରୁବାର ବିହାର ବିଧାନସଭା ନିର୍ବାଚନର ପ୍ରଥମ ପର୍ଯ୍ୟାୟରେ ୧୨୧ ନିର୍ବାଚନମଣ୍ଡଳୀର ୩୭.୫ ନିୟୁତ ଭୋଟରଙ୍କ ମଧ୍ୟରୁ ୬୪.୬୬% ଭୋଟ ଦେଇଛନ୍ତି। ଯାହା ଏପର୍ଯ୍ୟନ୍ତର ସର୍ବାଧିକ ଭୋଟିଂ। ଉଭୟ ଶିବିର ଏହି ଭୋଟଦାନ ହାରରେ ଖୁସି।
ନିର୍ବାଚନ କମିଶନଙ୍କ ଅନୁଯାୟୀ, ବିହାର ବିଧାନସଭା ନିର୍ବାଚନର ପ୍ରଥମ ପର୍ଯ୍ୟାୟରେ ୬୪.୬୬% ଭୋଟଦାନ ରେକର୍ଡ କରାଯାଇଛି। ଆଉ ଏହା ୧୯୫୧ ପରେ ସର୍ବାଧିକ। ୭୫ ବର୍ଷ ମଧ୍ୟରେ ଏହା ପ୍ରଥମ ଥର। ପୂର୍ବ ସର୍ବାଧିକ ମତଦାନ ୧୯୯୮ ମସିହାରେ ୬୪% ଥିଲା। ଅପରପକ୍ଷରେ ମୁଜାଫରପୁର ଏବଂ ସମସ୍ତିପୁରରେ ମତଦାନ ୭୦ ପ୍ରତିଶତରୁ ଅଧିକ ହୋଇଥିଲା।
