ପରଲୋକରେ ବରିଷ୍ଠ ଅଭିନେତା ଧର୍ମେନ୍ଦ୍ର…
ମୁମ୍ବାଇ: ବରିଷ୍ଠ ଅଭିନେତା ଧର୍ମେନ୍ଦ୍ର ଆଉ ଆମ ଗହଣରେ ନାହାନ୍ତି। ପ୍ରାୟ ୧୧ ଦିନ ଧରି ହସ୍ପିଟାଲରେ ଜୀବନ ସହିତ ଲଢ଼େଇ କରିବା ପରେ ସେ ଶେଷ ନିଃଶ୍ୱାସ ତ୍ୟାଗ କରିଛନ୍ତି। ଗତ କିଛି ଦିନ ଧରି ତାଙ୍କର ଶ୍ୱାସକ୍ରିୟା ସମସ୍ୟା ରହିଥିଲା। ସେ ହଠାତ୍ ଗୁରୁତର ହୋଇପଡ଼ିବାରୁ ତାଙ୍କୁ ଡାକ୍ତରମାନେ ଆଇସିୟୁରେ ଭେଣ୍ଟିଲେଟର ସପୋର୍ଟରେ ରଖିଥିଲେ। କିନ୍ତୁ, ପରେ ତାଙ୍କୁ ଭେଣ୍ଟିଲେଟରରୁ ବାହାର କରାଯାଇଥିବା ଜଣାପଡିଛି। ସମସ୍ତ ପ୍ରୟାସ ସତ୍ତ୍ୱେ ତାଙ୍କୁ ବଞ୍ଚାଯାଇପାରିଲା ନାହିଁ।
ଏହି କିମ୍ବଦନ୍ତୀ ବଲିଉଡ ଷ୍ଟାରଙ୍କ ଦେହାନ୍ତ ଖବର କେବଳ ବଲିଉଡ ନୁହେଁ ବରଂ ସମଗ୍ର ଚଳଚ୍ଚିତ୍ର ଶିଳ୍ପ ପାଇଁ ଏକ ବଡ଼ ଆଘାତ ଦେଇଛି।ଅଭିନେତାଙ୍କ ଦେହାନ୍ତ ଖବର କେବଳ ତାଙ୍କ ପରିବାର ଏବଂ ପ୍ରିୟଜନଙ୍କ ମଧ୍ୟରେ ନୁହେଁ ବରଂ ସାରା ଦେଶରେ ଶୋକର ଛାୟା ଖେଳାଇ ଦେଇଛି। ଗତକାଲି ରାତିରୁ ହସ୍ପିଟାଲ ବାହାରେ ପରିବେଶ ଉତ୍ତେଜନାପୂର୍ଣ୍ଣ ଥିଲା। ପରିବାର ସଦସ୍ୟଙ୍କ ସହିତ ଇଣ୍ଡଷ୍ଟ୍ରିର ପ୍ରମୁଖ ବ୍ୟକ୍ତିମାନେ ବ୍ରିଚ୍ କ୍ୟାଣ୍ଡି ହସ୍ପିଟାଲ ବାହାରେ ଜମା ହୋଇଥିଲେ। ଶାହରୁଖ ଖାନଙ୍କଠାରୁ ସଲମାନ ଖାନ, ସନି ଦେଓଲ ଏବଂ ବବି ଦେଓଲ ପର୍ଯ୍ୟନ୍ତ ସମସ୍ତେ ଗତକାଲି ରାତିରେ ହସ୍ପିଟାଲ ବାହାରେ ଦେଖାଯାଇଥିଲେ।
ବଲିଉଡ ଅଭିନେତା ଧର୍ମେନ୍ଦ୍ରଙ୍କୁ ଅକ୍ଟୋବର ୩୧ ତାରିଖରେ ମୁମ୍ବାଇର ବ୍ରିଚ୍ କ୍ୟାଣ୍ଡି ହସ୍ପିଟାଲରେ ଭର୍ତ୍ତି କରାଯାଇଥିଲା। ରିପୋର୍ଟ ଅନୁଯାୟୀ ତାଙ୍କୁ ଶ୍ୱାସକ୍ରିୟା ସମସ୍ୟା ଯୋଗୁଁ ଭର୍ତ୍ତି କରାଯାଇଥିଲା।
