ଆସୁଛି ବାତ୍ୟା ‘ସେନ୍ୟାର’: ଓଡ଼ିଶା ଉପରେ ନାହିଁ ପ୍ରଭାବ
ନୂଆଦିଲ୍ଲୀ,୨୭|୧୧: ଦକ୍ଷିଣ-ପଶ୍ଚିମ ବଙ୍ଗୋପସାଗର ଏବଂ ସଂଲଗ୍ନ ଶ୍ରୀଲଙ୍କା ଉପକୂଳରେ ଏକ ବିକଶିତ ହେଉଥିବା ଲଘୁଚାପ ଘନୀଭୂତ ହୋଇ ଏକ ବାତ୍ୟା ରୂପରେ ପରିଣତ ହୋଇଛି। ତେବେ ଏପର୍ଯ୍ୟନ୍ତ ଓଡିଶା ଉପରେ ପ୍ରଭାବ ନିଶ୍ଚିତ କରାଯାଇ ନାହିଁ | ସୂଚନା ଅନୁସାରେ,ବଙ୍ଗୋପସାଗରରେ ଏବେ ଦୁଇଟି ବାତ୍ୟା ସକ୍ରିୟ ହୋଇଛି । ତେବେ ଦକ୍ଷିଣ ଆଣ୍ଡାମାନ ସାଗରରେ ସୃଷ୍ଟି ହୋଇଥିବା ଗଭୀର ଅବପାତ ପଶ୍ଚିମ-ଉତ୍ତର ପଶ୍ଚିମ ଦିଗକୁ ଗତି କରି ବାତ୍ୟା ରୂପ ନେଇଛି । ଜାତୀୟ ପାଣିପାଗ ବିଭାଗ ଆକଳନ ଅନୁସାରେ ଏହି ବାତ୍ୟା ‘ସେନ୍ୟାର’ ଇଣ୍ଡୋନେସିଆ ଉପକୂଳକୁ ଅତିକ୍ରମ କରିବ ବୋଲି ଚିତ୍ର ସ୍ପଷ୍ଟ ହୋଇଛି ।
ତେବେ ଏହାର ପ୍ରଭାବ ଓଡ଼ିଶା ଉପରେ ବିଶେଷ ଭାବରେ ନାହିଁ | ଶ୍ରୀଲଙ୍କା ଉପକୂଳ ସମୁଦ୍ରରେ ସୃଷ୍ଟି ଲଘୁଚାପ ୨୮ କିମ୍ବା ୨୯ ତାରିଖ ବେଳକୁ ବାତ୍ୟାରେ ପରିଣତ ହୋଇପାରେ। ସମ୍ଭାବ୍ୟ ବାତ୍ୟାର ପ୍ରଭାବ ତାମିଲନାଡୁ ଓ ଆନ୍ଧ୍ରରେ ରହିବ ବୋଲି ଅନେକ ପାଣିପାଗ ମଡେଲ ଆକଳନ କରିଛନ୍ତି। ତେବେ ଶ୍ରୀଲଙ୍କା ଉପକୂଳରେ ସୃଷ୍ଟି ହେବାକୁ ଥିବା ସମ୍ଭାବ୍ଯ ବାତ୍ୟାର ପ୍ରଭାବରେ ୩୦ ରୁ ଡିସେମ୍ବର ୨ ତାରିଖ ଭିତରେ ରାଜ୍ୟର ଦକ୍ଷିଣ ଓଡିଶାର କିଛି କିଛି ଜିଲ୍ଲା ମାନଙ୍କରେ ସାମାନ୍ୟ ବର୍ଷା ହୋଇପାରେ ବୋଲି ପାଣିପାଗ ବିଭାଗ ପୂର୍ବାନୁମାନ କରିଛି।
ଭାରତୀୟ ପାଣିପାଗ ବିଭାଗର ସୂଚନା ( IMD ) ଅନୁଯାୟୀ , ସମୁଦ୍ର ଉପରେ ଉତ୍ତର-ପଶ୍ଚିମ ଦିଗକୁ ଗତି କରୁଥିବାରୁ ଏହା ଏକ ଗଭୀର ଡିପ୍ରେସନରେ ପରିଣତ ହେବାର ସମ୍ଭାବନା ରହିଛି। ଆଇଏମଡିର ସୂଚନା ମୁତାବକ, ବାତ୍ୟା ବର୍ତ୍ତମାନ ଦକ୍ଷିଣ-ପଶ୍ଚିମ ବଙ୍ଗୋପସାଗର ଏବଂ ଶ୍ରୀଲଙ୍କା ନିକଟବର୍ତ୍ତୀ ଜଳଭାଗରେ କେନ୍ଦ୍ରିତ ହୋଇଛି। ଏହା ତାମିଲନାଡୁ-ପୁଡୁଚେରୀ-ଦକ୍ଷିଣ ଆନ୍ଧ୍ରପ୍ରଦେଶ ଉପକୂଳ ଆଡକୁ ଗତି କରିବା ସହିତ ଆହୁରି ଘନୀଭୂତ ହୋଇପାରେ। ବର୍ତ୍ତମାନ, ଓଡ଼ିଶା ଉପରେ ଏହାର ପ୍ରଭାବ ବିଷୟରେ କୌଣସି ସ୍ପଷ୍ଟ ଆକଳନ କରାଯାଇ ନାହିଁ।
ନିକୋବର ଦ୍ୱୀପପୁଞ୍ଜରୁ ୭୦୦ କିମି ଏବଂ ଇଣ୍ଡୋନେସିଆରୁ ୧୫୦ କିମି ଦୂରରେ ଏହାର ବଳୟ ସୃଷ୍ଟି ହୋଇଛି । କୁହାଯାଉଛି ଯେ, ଇଣ୍ଡୋନେସିଆ ଉପକୂଳରେ ସେନ୍ୟାର ସ୍ଥଳଭାଗ ଛୁଇଁପାରେ । ଗୁରୁବାର ଏହା ଅବପାତରେ ରୂପ ନେଇପାରେ ବୋଲି ଆଇଏମଡି ପୂର୍ବାନୁମାନ କରିଛି । ଅନେକ ପାଣିପାଗ ମଡେଲଗୁଡ଼ିକ ସୂଚାଇ ଦେଇଛନ୍ତି ଯେ, ସେନ୍ୟାରର ଗତି କେନ୍ଦ୍ରୀୟ ବଙ୍ଗୋପସାଗର ଅବବାହିକାଠାରୁ ବହୁ ଦୂରରେ ରହିଛି। ଏହି ଅଞ୍ଚଳରେ ଦୁଇଟି ଲଘୁଚାପ ସକ୍ରିୟ ଥିବାରୁ ତାମିଲନାଡୁ, ପୁଡୁଚେରୀ ଏବଂ ଦକ୍ଷିଣ ଆନ୍ଧ୍ରପ୍ରଦେଶର କିଛି ଅଂଶରେ ଏହି ବାତ୍ୟାର ପ୍ରଭାବ ପଡିପାରେ ବୋଲି ଅନୁମାନ କରାଯାଉଛି | ବଙ୍ଗୋପସାଗର ପ୍ରଣାଳୀ ଶକ୍ତି ବୃଦ୍ଧି କରିବା ସହିତ ସେହି ଉପକୂଳ ଆଡକୁ ଗତି କରିବ।
ତେବେ ପାଣିପାଗ ବିଭାଗ ଅନୁସାରେ, ଓଡ଼ିଶାରେ ଉପରେ ଏହାର ବିଶେଷ ପ୍ରଭାବ ପଡ଼ିବନାହିଁ | ଭୁବନେଶ୍ୱରର ଆଞ୍ଚଳିକ ପାଣିପାଗ କେନ୍ଦ୍ରର ସୂଚନା ଅନୁଯାୟୀ, ଆଗାମୀ ଡିସେମ୍ବର ୨ ତାରିଖ ପର୍ଯ୍ୟନ୍ତ ସମସ୍ତ ଜିଲ୍ଲାରେ ଶୁଖିଲା ପାଗ ରହିବ ବୋଲି ଆକଳନ କରାଯାଇଛି | କିଛି ଜାଗାରେ ସାମାନ୍ୟ ମେଘୁଆ ପାଗ ରହିପାରେ |
