ଶୁଣିଲାଣି ପ୍ରଶାସନ, ନିଜ ପରିଶ୍ରମ ରେ ଚାଷ ଜମି ରାସ୍ତା ମରାମତି ପାଇଁ ଅଣ୍ଟା ଭିଡ଼ିଲେ ଚାଷି ଓ ଗ୍ରାମବାସୀ।
କଳାହାଣ୍ଡି,୨୭/୧୧
ରାଜ୍ୟ ସରକାର ଚାଷି ଙ୍କୁ ସ୍ୱାବଲମୀ ଓ ପ୍ରୋତ୍ସାହିତ କରିବା ପାଇଁ ଅନେକ ଯୋଜନା କରୁଥିବା ବେଳେ ତୃଣମୂଳ ସ୍ତରରେ କିନ୍ତୁ ଏହା କାର୍ଯ୍ୟକାରୀ ହେବାରେ ପ୍ରଶାସନିକ ଅଧିକାରୀ ଓ ନିର୍ବାଚିତ ଜନ ପ୍ରତିନିଧି ଙ୍କ ଦାଇତ୍ୱ ହୀନତା ଯୋଗୁଁ ଚାଷୀ ଙ୍କ ସମସ୍ୟା କୁ ଦ୍ବିଗୁଣିତ କରିଛି।କୋକସରା ବ୍ଲକ ଲଡୁଗାଁ ପଞ୍ଚାୟତ ଆଁଇଲି ଗ୍ରାମ ହେଉଛି ଏକ କୃଷି ବହୁଳ ଗ୍ରାମ। ଏହି ଗ୍ରାମ ର ଅଧିକାଂଶ ଲୋକ ଚାଷ ଉପରେ ଜୀବନ ଜୀବିକା ନିର୍ବାହ କରୁଥିବା ବେଳେ ଚାଷି ଙ୍କ ଚାଷଜମି କୁ ସଂଯୋଗ କରୁଥିବା ଚିକିଲି ମାଳ ରାସ୍ତା ଅତି ଶୋଚନୀୟ ଓ ଖାଳଖମା ଅବସ୍ଥାରେ ରହିଥିବା ବେଳେ ବର୍ତ୍ତମାନ ଚାଷ ଜମି କୁ ଟ୍ରାକ୍ଟର କିମ୍ବା ଧାନ କଟା ମେସିନ ଯିବାରେ ଅସୁବିଧା ଭୋଗିବାକୁ ପଡୁଛି। ଆଁଇଲି ଗ୍ରାମ ର ଚାଷି ମାନେ ଅନେକ ସମୟରେ ସ୍ଥାନୀୟ ଲଡୁଗାଁ ପଞ୍ଚାୟତ ସରପଞ୍ଚ ଓ ଅଧିକାରୀ ଙ୍କୁ ଅଭିଯୋଗ କରିବା ସହ ପଞ୍ଚାୟତ ର ଅନୁଦାନ ରେ ଏହି ରାସ୍ତା ନିର୍ମାଣ କରିବାକୁ ଦାବି କରି ଆସୁଛନ୍ତି ହେଲେ ଅନୁଦାନ ନଥିବା ଦର୍ଶାଇ ପଞ୍ଚାୟତ କର୍ତ୍ତୃପକ୍ଷ ରାସ୍ତା ନିର୍ମାଣ ପାଇଁ କୌଣସି ପଦକ୍ଷେପ ଗ୍ରହଣ ନକରିବାରୁ ଗ୍ରାମ ର ଚାଷୀ ମାନେ ନିଜେ ପରିଶ୍ରମ କରି ଓ ଜେସିବି ଟ୍ରାକ୍ଟର ଲଗାଇ ପ୍ରାୟ ୨ କିମି ରାସ୍ତା ମରାମତି କରୁଥିବା ଦେଖିବାକୁ ମିଳିଛି। ଏହି କାର୍ଯ୍ୟ ରେ ଗ୍ରାମ ର ଚାଷି ସୁବ୍ରତ କୁମାର ସାହୁ,ରସିକ ଲାଲ ମାଝୀ, କୁଳମଣି ସାହୁ, ଭାରତ ରାଉତ, ନୀଳମାଧବ ସାହୁ,ମୀନକେତନ ମାଝୀ, ଜୀମୂତ ବାହାନ ମାଝୀ,ଚିତ୍ତ ରଂଜନ ସାହୁ,ଓ ଗ୍ରାମବାସୀ ମିଳିତ ସହଯୋଗରେ ଗାଡିମୋଟର ଓ ପରିଶ୍ରମ କରି ରାସ୍ତା ରେ ମୁରୁମ ଦେଇ ମରାମତି କାର୍ଯ୍ୟ ଆରମ୍ଭ କରିଛନ୍ତି।
