ସମ୍ପତି ତାଲିକା ନ ଦେଲେ ମିଳିବନି ପ୍ରମୋସନ ; ସରକାରଙ୍କ ତରଫରୁ ଜାରି ହେଲେ କଡା ନିଷ୍ପତି
ଭୁବନେଶ୍ୱର;୩୦|୧୧: ଜାରି ହେଲା ସରକାରଙ୍କ ନୂଆ ନିୟମ | ସମ୍ପତ୍ତି ତାଲିକା ନଦେଲେ ହୋଇପାରିବନି ପ୍ରୋମୋସନ । ସାଧାରଣ ପ୍ରଶାସନ ବିଭାଗ ପକ୍ଷରୁ ଜାରି ହେଲା କଡ଼ା ନୋଟିସ । ଏନେଇ ସବୁ ବିଭାଗକୁ ଚିଠି ଲେଖିଲେ ସରକାର । ଜାନୁଆରି ୨୦୧୫ ସୁଦ୍ଧା ସମ୍ପତ୍ତି ତାଲିକା ଦେବାକୁ ପୂର୍ବରୁ ନିର୍ଦ୍ଦେଶ ଦିଆଯାଇଥିଲା । ଯାହା ଏ ପଯ୍ୟନ୍ତ କାର୍ଯ୍ୟକାରୀ ହୋଇପାରିନାହିଁ |
ଏହା ପୂର୍ବରୁ ବହୁବାର ସାଧାରଣ ପ୍ରଶାସନ ବିଭାଗ ପକ୍ଷରୁ ସମ୍ପତ୍ତି ତାଲିକା ଦେବାକୁ ଚିଠି ଲେଖାଯାଇଥିଲା । ହେଲେ ଅନେକ ସରକାରୀ ବାବୁମାନେ ଏହାକୁ ଅଣଦେଖା କରିଛନ୍ତି | ଏଯାଏଁ ଦେଇନାହାନ୍ତି ସମ୍ପତ୍ତି ତାଲିକା। ତେଣୁ ଏଭଳି କଡ଼ା ନିଷ୍ପତ୍ତି ନେବାକୁ ବାଧ୍ୟ ହୋଇଛନ୍ତି ସରକାର ।
