ପ୍ରେମିକ ସହ ମିଶି ଶାଶୁଙ୍କୁ ହତ୍ୟା କଲେ ବୋହୂ!
ଲକ୍ଷ୍ନୌ, ୨୩|୩: ଲକ୍ଷ୍ନୌରୁ ଆସିଛି ଏକ ଲୋମ ଟାଙ୍କୁରା ଘଟଣା | ବୋହୂର ଅବୈଧ ସମ୍ପର୍କ ଜାଣିଦେଇଥିବାରୁ ଶାଶୁଙ୍କୁ ହତ୍ୟା କରିଛି ବୋହୂ। ଏଭଳି ଏକ ଘଟଣା ଆସିଛି ଉତ୍ତରପ୍ରଦେଶର ରାଜଧାନୀ ଲକ୍ଷ୍ନୌରୁ | ଯାହା ଶୁଣିଲା ପରେ ଯେକେହି ବି ସ୍ତବ୍ଧ ହୋଇଯିବ | ଜଣେ ୬୫ବର୍ଷୀୟା ମହିଳାଙ୍କୁ ତାଙ୍କ ନିଜ ଘର ଭିତରେ ଗଳାକାଟି ହତ୍ୟା କରାଯାଇଥିବା ନେଇ ଅଭିଯୋଗ ହୋଇଛି । ଲକ୍ଷ୍ନୌ ମହାନଗର ପୋଲିସ ଷ୍ଟେସନ ଅଧୀନସ୍ଥ ନିଶାତଗଞ୍ଜ ଅଞ୍ଚଳର ଲେନ୍ ନମ୍ବର ୨ ଏଭଳି ଅମାନବୀୟ ଘଟଣା ଘଟିଛି | ଯେଉଁଠି ନିର୍ମଳା ଦେବୀଙ୍କୁ ତାଙ୍କ ବୋହୁ ପ୍ରେମିକଙ୍କ ସହ ମିଶି ନିର୍ମମ ଭାବରେ ହତ୍ୟା କରିଛନ୍ତି ।
ହତ୍ୟା ଉଦ୍ୟମ କରିବା ସମୟରେ ସେ ପ୍ରତିରୋଧ କରିବାରୁ ତାଙ୍କ ହାତ ବାନ୍ଧି ଦେଇଥିଲେ ଅଭିଯୁକ୍ତ । ସୂଚନା ଅନୁସାରେ , ନିର୍ମଳା ତାଙ୍କ ପୁଅ ତ୍ରିଦେଶ ଏବଂ ତାଙ୍କ ବୋହୂ ରଞ୍ଜନା (୪୪) ସହିତ ଏକାଠି ରହୁଥିଲେ । ଘଟଣା ସମୟରେ, ତ୍ରିଦେଶଙ୍କ ଝିଅ ଉନ୍ନାଓରେ ତାଙ୍କ ମାମୁ ଘରକୁ ଯାଇଥିଲେ । ତାଙ୍କ ଅନ୍ୟ ଝିଅ ଶାନଭି ବର୍ମା ( ୨) ଏବଂ ପୁଅ ଆଦିତ୍ୟ ବର୍ମା (୧୪) ଘରେ ଉପସ୍ଥିତ ଥିଲେ।
ନାତି ଡେଲିଭରି ବୟ ଭାବେ କାମ କରୁଥିବା ବେଳେ ସେ କାମ ସାରି ଘରକୁ ଫେରିବା ପରେ ଘଟଣା ଦେଖି ପୁରା ସ୍ତବ୍ଧ ହୋଇ ଯାଇଥିଲେ | ଜେଜେମା ହାତ ଗୋଡ ବନ୍ଧା ଅବସ୍ଥାରେ ଅଚେତ ଅବସ୍ଥାରେ ତଳେ ପଡ଼ିଥିଲେ। ଏହାପରେ ସେ ପଡୋଶୀଙ୍କ ସହ ଆମ୍ବୁଲାନ୍ସ ଡାକିବା ଥିଲେ | ପରେ ବୋହୂ ରଞ୍ଜନା ଆସି ମଧ୍ୟ ସେଠାରେ ପହଞ୍ଚିଥିଲେ । ପୋଲିସ ରଞ୍ଜନାଙ୍କ ଆଚରଣରେ ସନ୍ଦେହ କରି ଘଟଣାର ତଦନ୍ତ ଆରମ୍ଭ କରିଥିଲା |
ସନ୍ଦେହ ବଢିବା ପରେ ବୋହୂ ରଞ୍ଜନାକୁ ହେପାଜତକୁ ନେଇ ପଚରାଉଚରା ଆରମ୍ଭ କରିଥିଲା ପୋଲିସ୍ । ତେବେ ପଚରାଉଚରା ସମୟରେ ଜଣାପଡିଲା ଯେ ଭଡାଟିଆ ରାଜନ ସହିତ ତ୍ରିଦେଶଙ୍କ ସ୍ତ୍ରୀ ରଞ୍ଜନାଙ୍କ ସହିତ ଅନୈତିକ ସମ୍ପର୍କ ରହିଥିଲା | ଏହି ଘଟଣାରେ ଶାଶୁ ଏବଂ ପରିବାରର ଅନ୍ୟ ସଦସ୍ୟମାନେ ଅନେକ ଥର ଏହି ଦମ୍ପତିଙ୍କୁ ଆପତ୍ତିଜନକ ଅବସ୍ଥାରେ ଧରିଥିଲେ। ଏହି ଘଟଣାକୁ ନେଇ ପରିବାର ମଧ୍ୟରେ କେତେ ଥର ବିବାଦ ମଧ୍ୟ ସୃଷ୍ଟି ହୋଇଥିଲା | ତଥାପି, ରଞ୍ଜନା ରାଜନଙ୍କ ସହିତ ମିଳାମିଶା କରିବା ବନ୍ଦ କରି ନଥିଲେ। ବାରମ୍ବାର ଶାଶୁ ବିରୋଧ କରିବାରୁ ଶେଷରେ ପ୍ରେମିକ ସହିତ ମିଶି ତାଙ୍କୁ ଜୀବନରୁ ମାରି ଦେଲା ବୋହୂ ।
